E Dia Mas Memorabel

ESEI tawata e dia cu a cambia e rumbo di humanidad completamente pa uno di bienestar eterno. Ningun otro dia den historia a causa un impacto asina grandi riba futuro di humanidad. Tawata e dia cu Hesus a completa tur loke el a bin haci na mundo. Claba na un staca di tormento, el a hala su ultimo rosea y a sclama: “Ta cumpli!” (Huan 19:30) Pakico Hesus a bini na mundo?

Bijbel ta bisa: “E Yiu di hende no a bin pa wordo sirbi, ma pa sirbi, y pa duna su bida como prijs di rescate pa hopi.” (Mateo 20:28) Hesus a duna su bida pa asina humanidad por ser rescata for di pica hereda y morto. Si, “Dios a stima mundo asina tanto, cu El a duna su Yiu unigenito, pa ken cu kere den dje no bai perdi, ma tin bida eterno.” (Huan 3:16) Pues, Hesus su sacrificio tin un balor inmenso!

E dia di Hesus su morto ta memorabel pa un motibo mas. Riba e dia ei e Yiu di Dios a siña su apostelnan lesnan balioso cu lo a yuda nan keda fiel. Su ultimo palabranan lo mester a conmove curason di e disipelnan ei! Kico el a siña nan? Con nos por beneficia for di loke Hesus a siña nan? E siguiente

articulo lo contesta e preguntanan aki.