Ma no erẹwho sa-sa ze jẹ be jẹ evẹrẹ sa-sa, rekọ u wo eware nọ i ku omai gbe. Maero, ma gwọlọ rọ orro kẹ Jihova, Ọghẹnẹ nọ Ebaibol ọ ta ẹme kpahe na, Ọnọ ọ ma eware kpobi. Ma be daoma mai kpobi re ma rọ aro kele Jesu Kristi yọ eva e be were omai inọ mai yọ Ileleikristi. Mai omomọvo ma rẹ rehọ oke mai fi obọ họ kẹ ahwo ẹsikpobi re a wuhrẹ Ebaibol na jẹ riẹ kpahe Uvie Ọghẹnẹ. Fikinọ ma bi se isẹri, hayo ta ẹme kẹ ahwo kpahe Jihova Ọghẹnẹ gbe Uvie riẹ, a re se omai Isẹri Jihova.

Kiẹ oria evuẹ mai. Se kpahe omai gbe eware nọ ma rọwo.