Twafuma mu bisho ne mu milaka yapusana-pusana, bino twakwatankana mambo twaitabilatu mu bintu bimo. Bino kyakila byonse, tukebesha bingi kunemeka Yehoba, Lesa mwine mwina Baibolo kabiji Mulenga wa bintu byonse. Twibikako bingi kulondela byaubanga Yesu Kilishitu, kabiji tumvwa bingi bulongo kutelwa’mba bena Kilishitu. Atweba bonse twingila kimye kyabaya mu mwingilo wa kusapwila na kukwasha bantu kufunda Baibolo ne pa Bufumu bwa Lesa. Na mambo a kuba’mba tushimuna bukamonyi, nangwa’mba twamba pe Yehoba Lesa ne pa Bufumu bwanji, bantu betuyuka’mba twi Bakamonyi ba kwa Yehoba.

Yai pa keyala wetu. Tangai Baibolo pa intaneti. Yukilaipo byavula pe atweba ne byo twaitabilamo.