Aorõkin “Jãbi Remõjino”

“EIN drein, lõmaro, komin jokwe iben belemi kin jelalokjen,” ri jilek Peter ear je, “im koutiej kõra rõn, einwõt jãbi remõjino jen kom.” (1 Piter 3:7) Kinke Bible eo ej naetan kõrã ro einwõt “jãbi remõjino” ej melelen ke bwe ejelok aorõkiir? Jen lale ta eo ri jeje eo ilo jinoin ear ba.

Nan in Greek eo rej ukõte “koutiej” melelen “wõnãn, eaorõk, . . . kautiej.” Inem, Christian leo ej aikwij lale lio belen ilo joij, kwalok lemnak eo ejimwe bwe e emõjno, ej juõn jãbe eaorõk. Menin ejjab juõn men ekajookok. Ñan wanjoñok, lemnak kin Tiffany lamp eo. Lamp in jej loe ilo picture eo ilo page in eaibujuij im emõn im ilo mol jemaroñ lemnak kake bwe ej juõn men ebidodo an rup. An lamp in bidodo an rup ej ke kadiklok aorõkin? Ejjab! Ilo 1997 Tiffany lamp eo jinointata kar kõmmane kar wiakake kin 2.8 million dollar. An bidodo an rup ear kalaplok aorõkin, jab kadiklok.

Ejja eindeinlok wõt, lelok kautiej ñan kõrã einwõt jãbe emõjno ejjab kadiklok aorõkin ak kajook e. Jokwe ibben beleõm “kin jelãlokjen” melelen bwe leo ri belele ej aikwij lemnak kin kajur im mõjno ko an lio, men ko ekõnan im ejjab kõnan, lemnak im eñjake ko an. Leo im ewõr an kea ej kile im kautiej kadkad ko reoktak jen don ikõtan e im lio belen. Ej kwalok an lemnak kin lio “bwe en ejelok men in bõprae jar ko [an].” (1 Piter 3:7) Leo me ej likjap in kautiej kadkad ko kadkadin lio belen einwõt juõn kõrã ej bõktok kauwatata ñan kõtan eo an ibben Anij. Ilo alikar, Nan in Anij ejjab watõk kõrã edik tokjen. Jen menin, ej kautiej im nebar ir.