INUIAAT oqalut­tuarisaaneran­ni siusis­suk­kut alianangaar­tumik pisoqar­poq! In­ngili Guutimut pin­ngor­titsisiminut pikitsitsivoq. In­ngilip pikitsitsisup taas­suma ar­naq siul­leq, Eva, paar­namik nereq­qusaan­ngitsumik nerinis­samut nakutip­paa. In­ngilip Eva uialu Adami ima oqarfigai: „Naamik, toqus­san­ngivip­pusi! Guutil­li nalun­ngilaa nerif­figigaluarus­siuk isisi uisitaajumaar­tut Guutisul­lu ilerumaar­tusi ajun­ngitsoq ajor­torlu nalujun­naas­sal­lugit.“ (1 Mosesi 2:16, 17; 3:1-5) Taamanik­kumiil­li in­ngili taan­na Diaavulumik Saatanimil­lu taaneqar­taler­poq. — Saq­qum­mersitat 12:9.

Evap Saatanip oqaasii tusar­naar­pai? Biibilimi ima oqalut­tuarineqar­poq: „Ar­nap or­pik qiviarlugu paasigamiuk nerif­figiuminarlunilu isigiuminarlunilu sianisuun­nguutis­saq­qis­soq paar­naanik tigusivoq neril­lunilu, aam­mat­taarlu uini saniminiit­toq tunil­lugu; taan­nalu aam­ma nerivoq.“ (1 Mosesi 3:6) Aap, aap­pariit siul­liit, Adami Evalu, Saatanip pikitsitsinera ilan­nguf­figaat. Tamatuma kingunerisaanik taak­kua kinguaas­saasalu paratiisi an­naavaat. Meeq­qat naam­mal­luin­nar­tuul­lutik naas­saan­ngitsumik inuusin­naal­lutik inun­ngor­tus­saagaluit taamaat­tuunatik ajor­ti toqulu kingor­nup­paat. — Romamiut 5:12.

Jehova Guuti, qilam­mi nunamilu kisimi oqar­tus­saal­luni Naalagaasoq, qanoq piva? Aaq­qis­suus­sivoq ajor­tulianik isumak­keerfigineqar­nis­samut periarfis­siisumik. (Romamiut 5:8) Aam­ma pis­sutsinik alianar­tunik aaq­qiisus­sanik naalak­kersuisunik pilersitsivoq. Naalak­kersuisut taak­kua „Guutip naalagaaf­fia“-nik taaneqar­tar­put. (Lukasi 21:31) Naalagaaf­fik taan­na Guutip qilam­mi nunamilu kisimi oqar­tus­saaneranut naalatsigitit­tus­saq aalajangersimasumik siuner­taqar­poq.

Guutip naalagaaf­fiata suna siuner­taraa? Naalagaaf­fiup tamatuma suna ilisar­naatigaa, inuil­lu aqutsineran­nit qanoq al­laanerua? Naalagaaf­fik qanga aal­lar­tit­tus­saasimava? Apeq­qutit taak­kua al­laaserisami tul­liut­tumi sam­mineqas­sap­put.