JIISUSI KRISTUSIP ajoqersuk­kani ima oqarfigai: „Taamaat­tumik ilis­si ima qinus­saasi: Ataatar­put qilan­niit­tutit! Aq­qit il­ler­nar­titaali, naalagaaf­fiit tikiul­li, piumasat qilam­misut nunamis­saaq pili.“ (Mat­thæusi 6:9, 10) Qin­num­mi tamatumani inup­pas­suar­nit Ataatar­puutut ilisimaneqar­tumi Guutip naalagaaf­fiata siuner­taa nas­suiar­neqar­poq.

Naalagaaf­fik taan­na aq­qutigalugu Guutip aq­qa il­ler­narsisin­neqarlunilu Saatanip inuil­lu pikitsitsinerisa kingunerisaan­nik nikanarsagaanermit minguiar­neqas­saaq. Taamatut minguiar­neqar­neq pingaaruteqangaar­poq. Pin­ngor­titam­mi sianis­susil­lit tamarmik pil­luar­nis­saan­nut aalajangiisuuvoq Guutip aq­qanik il­ler­nar­titsinersut naalagaasus­saaneranil­lu akuerserusun­nersut. — Saq­qum­mersitat 4:11.

Aam­mat­taaq naalagaaf­fik taan­na pilersin­neqar­poq Guutip ’piumasaa qilam­misut nunamis­saaq pisin­naaq­qul­lugu’. Guutil­li suna piumasaraa? Inuit Guutimut at­taveqar­nerisa, Adamip an­naasaata, pilerseq­qin­neqaq­qin­nis­saa. Naalagaaf­fiup aam­ma Jehova Guutip qilam­mi nunamilu kisimi oqar­tus­saasup nunarsuarmut siuner­taa naam­mas­sis­savaa, tas­sa nunarsuaq paratiisin­ngor­til­lugu inuit eq­qor­tumik isumaqarfigin­nit­tut naas­saan­ngitsumik inuusin­naaq­qul­lugit. Ajor­tulior­nerup siul­liup kingunerisaanik ajoqusiineq Guutip naalagaaf­fiata aaq­qis­savaa Guutil­lu asan­nit­tumik nunamut siuner­taa piviusun­ngor­til­lugu. (1 Johan­nesi 3:8) Naalagaaf­fik taan­na naalagaaf­fiul­lu tamatuma naam­mas­siumaagai tas­saap­put Biibilimi pingaar­ner­tut tusarlius­sat.

Guutip naalagaaf­fia tas­saavoq naalak­kersuisut pis­saaneqangaar­tut. Pruf­fiiti Danielip naalagaaf­fik taan­na qanoq pis­saaneqar­tigisoq takutil­latsiar­paa. Itsaq ima siulit­tuivoq: „Qilaap Guutiata naalagaaf­fik . . . pilersik­kumaar­paa . . . [naalagaaf­fiul­lu tamatuma nunami] kun­ngeqarfiit al­lat tamaasa aseror­tis­savai suujun­naarsil­lugil­lu.“ Nunami naalak­kersuisut, pif­fis­sap ingerlanerani pilersin­neqar­tar­tut tam­mar­tar­tul­lu, as­siginagit ’Guutip naalagaaf­fia qaqugumul­luun­niit atas­saaq’. (Danieli 2:44) Taman­naan­naan­ngilarli. Naalagaaf­fik taan­na nunami naalagaaf­fin­nik tamanik sutigut tamatigut akimuivoq.

Guutip naalagaaf­fiani kun­ngiusoq kun­nginit al­lanit tamanit al­laaneruvoq.

Kun­ngi taan­na kinaava? Pruf­fiiti Danielip ’sin­nat­torluni takorluuisitaal­luni’ takuaa Guutip naalagaaf­fiani naalagaasoq, „inuup er­neratut isik­koqar­toq“, Guutimut ajugaqan­ngitsumut sas­sar­titaasoq tunineqar­torlu „naalagaas­susermik naalan­naam­mil­lu kun­ngius­susermil­lu“ ataavar­tumik. (Danieli 7:1, 13, 14) Inuup er­nera taan­na al­laasin­naan­ngilaq Jiisusi Kristusi — Mis­siarsi. (Mat­thæusi 16:13-17) Jehova Guutip nam­mineq er­nini Jiisusi naalagaaf­fim­mini kun­ngin­ngor­tip­paa. Jiisusi nunamiik­kal­larami farisiiarit ajor­tut ima oqarfigai: „Guutip naalagaaf­fia akor­nas­sin­niip­poq.“ Jiisusip taama oqarami pivaa nam­mineq, naalagaaf­fim­mi tamatumani kun­ngin­ngor­tus­saq, taak­kua akor­nan­niil­luni. — Lukasi 17:21.

Inuit arlaat kina naalak­kersuinis­samut Jiisusitul­li pigin­naaneqar­pa? Jiisusip takutereer­paa tas­saal­luni siulersuisoq tamatigut naaper­tuil­luar­tuul­lunilu tatiginar­tuul­lunilu misigit­tar­tuusoq.  Taan­na iivangkiiliuni angutitut piumas­suseq­qor­tuutut, aam­mali inut­tut asan­nit­tutut inun­nut al­lanut qamuuna misigis­susilit­tut al­laatigineqar­poq. (Mat­thæusi 4:23; Markusi 1:40, 41; 6:31-34; Lukasi 7:11-17) Aam­mat­taaq Jiisusip makititaasimasup toqu al­latul­luun­niit inut­tut pisin­naasat kil­leqar­nerat ator­tariaqan­ngilai. — Esaja 9:5, 6.

Jiisusi naalak­kersueqataalu qutsis­sisitaasumi inis­sisimaf­feqar­put.

Sin­nat­tor­titaal­luni Danieli ima takorruugaqar­poq: „Kun­ngius­suseq naalagaas­suserlu . . . Qutsin­nerus­saar­tup in­nut­taanut il­ler­nar­tunut tun­niun­neqas­sap­put.“ (Danieli 7:27) Jiisusi kisimi naalak­kersuisus­saan­ngilaq. Al­lat kun­ngitut palasitul­lu naalak­kersueqatigisus­saavai. (Saq­qum­mersitat 5:9, 10; 20:6) Taak­kua pil­lugit apustili Johan­nesi ima al­lap­poq: „Takusaqaler­punga: Takuat, Savaaraq qaq­qami Zionimi qeqar­poq, najor­tigaalu inuit 144.000-it . . . akiliun­neqarlutik nunamiik­kun­naarsitat.“ — Saq­qum­mersitat 14:1-3.

Savaaraq tas­saavoq Jiisusi Kristusi Guutip naalagaaf­fiani kun­ngin­ngor­titaareersoq. (Johan­nesi 1:29; Saq­qum­mersitat 22:3) Qaq­qaq Zioni qilam­mut as­sersuutaavoq. * (Hebræerit 12:22) Jiisusi naalak­kersueqataalu 144.000-it qilam­min­ngaaniit naalak­kersuip­put. Naalak­kersuif­fiup qutsingaas­susia! Qilam­miik­kamik takusin­naasaqar­nerup­put. ’Guutip naalagaaf­fia’ qilam­min­ngaaniit naalak­kersuim­mat aam­ma ’Qilaap Naalagaaf­fianik’ taaneqar­tar­poq. (Lukasi 8:10; Mat­thæusi 13:11) Sak­kup suul­luun­niit, atomimik sak­kus­sial­luun­niit naamik, naalagaaf­fik qilam­miit­toq taan­na aarlerinar­torsior­tis­sin­naan­ngilaa up­pitis­sin­naanaguluun­niit. Naalagaaf­fik ajugaaf­figineqarsin­naan­ngilaq Jehoval­lu siuner­taa taan­na aq­qutigalugu naam­mas­sineqas­saaq. — Hebræerit 12:28.

Guutip naalagaaf­fia aalajaatsunik nunami sin­niisoqar­poq.

Taman­na qanoq nalun­ngilar­put? Tus­siaat 45:17-imi ima al­las­simavoq: „Naalagarsuan­ngor­tis­savatit nunarsuarmi tamarmi.“ Siulit­tuum­mi tas­sani oqaluun­neqar­toq tas­saavoq Guutip er­nera. (Tus­siaat 45:7, 8; Hebræerit 1:7, 8) Taamaat­tumik Jiisusi Kristusip naalagarsuit sin­niisimisut nam­mineq toq­qar­tar­pai. Siulersuineranik aalajaal­lutik malin­nik­kumaar­nerat qularutis­saan­ngilaq. Ul­lumik­kut ilagiin­ni kristumiuni angutit piuk­kun­naatil­lit utoq­qaaner­taasut ilin­niar­tar­paat up­peqatitik ’naqisimanagit’ paaril­luarlugil­lu nakus­satsit­tarlugil­lu tup­pal­lersar­tas­sagaat. — Mat­thæusi 20:25-28; Esaja 32:2.

Guutip naalagaaf­fia naaper­tuil­luar­tunik in­nut­taqar­poq.

Guutip isaani peq­qusersuitsuul­lutil­lu as­suar­naatsuup­put. (Us­satit 2:21, 22) „Qanilaar­tut nuna kingor­nutis­savaat,“ Biibilimi al­las­simavoq, „pil­luangaar­ner­til­lu nuan­naarutigis­sal­lugu.“ (Tus­siaat 37:11) Naalagaaf­fim­mi in­nut­taasut maniguut­tuul­lutil­lu ilik­kagaqarusut­tuul­lutil­lu saamasuul­lutil­lu inus­siar­nersuup­put. Anersaak­kut it­tut sal­liutit­tar­paat. (Mat­thæusi 5:3) Eq­qor­tulior­nis­sar­tik kis­saatigaat, aam­ma kajumil­lutik Guutip siulersuinera malip­paat.

Guutip naalagaaf­fiani inatsisit qutsin­ner­paat atuup­put.

Inatsisit najoq­qutas­sial­lu naalagaaf­fiup aqutsineranut tun­ngaviusut Jehovamin­ngaaneersuup­put. Uagutsin­nut kil­lilius­saasut ingasaas­siniar­tuunatik uagutsin­nut iluaqutaap­put. (Tus­siaat 19:8-12) Inup­pas­suit Jehovap piumasaqaataanik naaper­tuil­luar­tunik maleruaaner­tik iluaqutigereer­paat. As­sersuutigalugu uiusumut, nuliaasumut meeq­qanul­lu Biibilimi siun­nersuutit maleruar­nerat ilaqutariit­tut inuunermut iluaqutaavoq. (Efesosimiut 5:33–6:3) ’Asan­nin­nerup atinis­saanik’ peq­qus­sut naalak­kaangatsigu inun­nut al­lanut at­taveqar­ner­put pitsaaneruler­tar­poq. (Kolos­semiut 3:13, 14) Biibilimi najoq­qutas­sianik maleruaanik­kut aam­ma sulinermut tun­ngatil­lugu ileq­qoris­saar­nerulis­saagut aningaasanul­lu oqimaaqatigiis­sumik isigin­nit­taaseqalerluta. (Us­satit 13:4; 1 Timotheusi 6:9, 10) Aam­mat­taaq imerajut­tuunerup, kinguaas­siuutitigut inuunerlun­nerup, tupap ikiaroor­nar­tul­lu uerinar­tut ingalas­simanerat peq­qin­nermut il­lersuutaavoq. — Us­satit 7:21-23; 23:29, 30; 2 Korinthimiut 7:1.

Guutip naalagaaf­fia naalak­kersuisuup­put Guutimit iver­titat. Guutip inatsisaasa naaper­tuil­luar­tut najoq­qutas­siaasalu asan­nit­tumik pis­suteqar­tut maleruar­neqar­nis­saat naalagaaf­fim­mi kun­ngiusup, Mis­siarsip, imaluun­niit Jiisusi Kristusip, naalak­kersueqataasalu tamarmik akisus­saaf­figaat.  Naalagaaf­fim­mi in­nut­taasut, aam­ma sin­niisui nunamiit­tut, Guutip inatsisaanik maleruaaner­tik nuan­naraat. Naalagaaf­fim­mi naalak­kersueqataasunut tas­sanilu in­nut­taasunut Guutimik pal­lorfigin­nin­neq pingaar­ner­paavoq. Taamaalil­luni naalagaaf­fik tas­saavoq teokratii piviusoq — Guutip aqutsinera. Naalagaaf­fiup pilersin­neqar­neranut siuner­taasup piviusun­ngor­nis­saa qularutis­saan­ngivip­poq. Naalagaaf­fil­li, aam­ma naalagaaf­fim­mik Mis­siarsik­koor­tumik ilisimaneqar­toq, qanga aal­lar­tit­tus­saasimava?

Naalagaaf­fiup qanga naalak­kersuil­luni aal­lar­tin­neranik paasin­nin­nis­samut Jiisusip oqaasii uku iluaqutaap­put: „Jerusalemi Guutimik nalusunit tul­laan­neqas­saaq Guutimik nalusunut pif­fis­sarititaasut naatserlugit.“ (Lukasi 21:24) Nunami il­loqarfin­nit Jerusalemi tas­satuaavoq Guutip aq­qanut toq­qaan­nar­tumik atas­suteqar­tin­neqarsimasoq. (1 Kun­ngit 11:36; Mat­thæusi 5:35) Nunami naalagaaf­fim­mi Guutip akuerisaani il­loqarfiuvoq pingaar­nersaq. Il­loqarfik taan­na Guutimik nalusunit tul­laan­neqas­saaq ima paasil­lugu Guutip in­nut­taminik aqutsinera naalak­kersuisunit silamiunit kipitin­neqarumaar­toq. Qanga taman­na pisus­saasimava?

Jerusalemimi Jehovap is­siavis­saarsuani kun­ngimut kingul­lermut ima oqar­toqar­poq: ’Nasarusersuaq piis­sasoq, niaqorus­suaq iperas­sasoq; . . . taman­naluun­niit [naalagaas­suseq] atas­san­ngilaq; kisian­ni pigin­nit­tus­saq tikiup­pat, taas­sumun­nga tun­niuk­kumaar­para.’ (Ezekieli 21:30-32, 1900/1961) Kun­ngi taan­na niaqorutaar­neqar­tus­saavoq, Guutil­lu in­nut­taminik aqutsinera kipineqar­tus­saal­luni. Taman­na pivoq ukiumi 607-imi u.n.s. Babylonip Jerusalemi piuneerum­magu. Tamatuma kingunin­ngua „Guutimik nalusunut pif­fis­sarititaasut“ aal­lar­tip­put, pif­fis­samilu tamatumani Guutip naalagaas­susianut sin­niisumik nunami naalak­kersuisoqan­ngilaq. Pif­fis­sarititaasut taak­kua naap­pata aatsaat Jehovap naalagaaf­fik tun­niutis­savaa ’pigin­nit­tus­samut’ — Jiisusi Kristusimut. Pif­fis­saq taan­na qanoq sivisutigisus­saasimagami?

Biibilimi siulit­tuum­mi Danielimik al­lak­kani ima al­las­simavoq: „Or­pik kipil­lugu up­pitis­siuk aseror­terlugulu; sorlaali kip­pakoq nunami ataan­narli qilersimal­luni kalun­ner­nik saviminiusunik kan­ngus­saasunil­lu . . . pif­fis­sarititat arfineq-marluk qaangiutserlugit.“ (Danieli 4:20) Soorlu takus­sagip­put pif­fis­sarititaasut arfineq-marluk uani eq­qaaneqar­tut „Guutimik nalusunut pif­fis­sarititaasut“ sivisoqatigaat.

Ilaan­nik­kut inuit ataasiak­kaat, naalak­kersuisut naalagaaf­fiil­lu Biibilimi or­pin­nut as­sersuun­neqar­tar­put. (Tus­siaat 1:3; Jeremia 17:7, 8; Ezekieli kapitali 31) Or­pik as­sersuutaasoq ’takuneqarsin­naavoq nunarsuup isuanut’. (Danieli 4:8) Or­pis­suaq kipineqar­toq kip­paalu qilersor­neqar­toq as­sersuutaavoq ’naalagaas­sutsimut nunarsuup isuanut an­ngut­tumut’, tas­saavorlu inuiaat naalaf­fii tamarmik. (Danieli 4:14, 17, 19) Taamaat­tumik or­pik as­sersuutaavoq Jehovap kisimi oqar­tus­saal­luni naalagaas­susianut, ingam­mik nunarsuarmut tun­ngatil­lugu. Naalagaas­suseq taan­na pif­fis­sap ilaani inuian­nut Israelik­kun­nut naalak­kersuisuutitaanit sin­niisoqar­poq. Eq­qaaneqareersutut or­pik as­sersuutaasoq up­pitin­neqar­poq  kip­pakualu naasin­naajun­naarlugu kalun­ner­nik saviminiusunik kan­ngus­saasunil­lu qilersor­neqarluni. Tamatuma paasinarsisip­paa Guutip nunami naalagaas­susia atuuk­kun­naaral­las­sasoq, taman­nalu 607-imi u.n.s. pivoq. Or­pik qilersorsimas­saaq „pif­fis­sarititaasut arfineq-marluk“ naatserlugit. Pif­fis­sap tamatuma naanerani Jehovap naalagaas­suseq pigin­nit­tus­samut, Jiisusi Kristusimut, tun­niutis­savaa. Erseq­qip­poq „pif­fis­sarititaasut arfineq-marluk“ aam­ma „Guutimik nalusunut pif­fis­sarititaasut“ tas­saasut pif­fis­saq ataaseq.

„Pif­fis­sarititaasut arfineq-marluk“ taak­kua qanoq sivisutiginerisa paasinis­saanut Biibili iluaqutigis­savar­put. Biibilimi ul­lut 1260-it naligitin­neqar­put ’pif­fis­sarititamut ataatsimut, pif­fis­sarititanut marlun­nut pif­fis­saritital­lu af­faanut’ — tas­sa pif­fis­sarititanut pingasunut af­farmul­lu. (Saq­qum­mersitat 12:6, 14) Tas­sa imaap­poq marloriaataat, imaluun­niit pif­fis­sarititaasut arfineq-marluk, ul­lut 2520-t naligaat.

607-imit u.n.s ul­lut 2520-t siumut kisik­kutsigik ukioq 600 u.n.s. tikis­savar­put. Pif­fis­sarititaasul­li arfineq-marluk sivisunerujus­suup­put. Kingusin­nerujus­suak­kut Jiisusip „Guutimik nalusunut pif­fis­sarititaasut“ eq­qar­tormagit taak­kua suli naan­ngil­lat. Taamaat­tumik pif­fis­sarititaasut arfineq-marluk siulit­tuutaap­put, tas­sa Biibilimi najoq­qutas­siaq una ator­neqar­tariaqar­poq: „Ul­loq ataaseq ukiumik ataatsimik naleqar­til­lugu.“ (4 Mosesi 14:34; Ezekieli 4:6) Taamaap­pat pif­fis­sarititaasut arfineq-marluk nunarsuaq Guutimik nalusunit Guutimit akuleruf­figineqaratik naalak­kersuif­figineqar­nera ukiunik 2520-nik sivisus­suseqar­put. 607-imit u.n.s. ukiut 2520-t kisik­kutsigik ukioq 1914 u.n.k. tikis­savar­put. Ukioq taan­na „Guutimik nalusunut pif­fis­sarititaasut“, imaluun­niit pif­fis­sarititaasut arfineq-marluk, naap­put. Tas­sa imaap­poq Jiisusi Kristusi Guutip naalagaaf­fiani 1914-imi kun­ngitut naalak­kersuiler­poq.

Naalagaaf­fik Mis­siarsik­koor­toq qilam­mi pilersin­neqareersoq eq­qarsaatigalugu, tikiun­nis­saa suli qin­nutigisas­savar­put? (Mat­thæusi 6:9, 10) Aap, tamatuma qin­nutiginis­saa suli pis­susis­samisoor­poq. Guutip naalagaaf­fia nunarsuarmut tamarmut suli naalak­kersuilin­ngilaq.

Taamaaler­pat inuit naaper­tuil­luar­nermik nuan­narisaqar­tut pil­luaq­qusaangaas­sap­put, Biibilimimi ima al­las­simavoq: „Guuti nam­mineq taak­kunaniik­kumaar­poq. Qul­liil­lu tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq siul­liit peermata.“ (Saq­qum­mersitat 21:3, 4) Taamanik­kus­samut in­nut­taasoq kinaluun­niit ima oqas­san­ngilaq: „Nap­parsimavunga!“ (Esaja 33:24) Guutip piumasaatut ilior­tut naas­saan­ngitsumik inuuner­tik nuan­naarutigis­savaat. (Johan­nesi 17:3) Biibilimi siulit­tuutit nuan­ningaar­tut taak­kua al­lal­lu piviusun­ngor­nis­saat utaq­qitil­lugit, ’Guutip naalagaaf­fia iluar­neralu ujaq­qaar­tigik’. — Mat­thæusi 6:33.