Petrus ben taki dati a no sabi Yesus
Gi den yonguwan
Petrus ben taki dati a no sabi Yesus
Den sani di yu musu du: Te yu e leisi a pisi disi, dan du dati na wan tiri presi so taki yu frustan a tori moro bun. Te yu e leisi den bijbeltekst, dan prakseri fa a ben o de efu yu ben o de drape. Yu e si san e pasa, èn yu e yere den sten fu den sma? Yu sabi fa den moro prenspari sma na ini a tori e firi?
PRUBERI FU SI SAN E PASA.—LEISI MATEYUS 26:31-35, 69-75.
Omeni sma yu denki taki ben de na ini a tori?
․․․․․
Yu denki taki den sma di ben taki nanga Petrus ben abi switifasi? Den ben wani sabi moro fu a tori? Den ben atibron? Noso den ben de tra fasi?
․․․․․
Fa yu denki taki Petrus ben firi di den sma ben taki dati a ben de nanga Yesus?
․․․․․
Fu san ede Petrus ben taki dati a no sabi Yesus? Na fu di a no ben lobi Yesus trutru, noso na wan tra sani meki taki a handri na a fasi dati?
․․․․․
ONDROSUKU A TORI MORO FINI.—LEISI LUKAS 22:31-34; MATEYUS 26:55-58; YOHANES 21:9-17.
Fa a poti di Petrus poti tumusi furu frutrow tapu ensrefi ben abi leki bakapisi taki a meki a fowtu disi?
․․․․․
Fa Yesus sori taki a ben frutrow Petrus, aladi a ben sabi taki Petrus ben o naki futu fu wan syatu pisi ten?
․․․․․
Na sortu fasi Petrus sori taki a abi moro deki-ati leki den tra disipel, aladi a ben taki dati a no sabi Yesus?
․․․․․
Fa Yesus sori taki a gi Petrus pardon?
․․․․․
Fu san ede yu denki taki Yesus aksi Petrus dri leisi: „Yu lobi mi”?
․․․․․
Fa yu denki taki Petrus ben firi baka a takimakandra di a ben abi nanga Yesus, èn fu san ede a ben firi so?
․․․․․
DU SAN YU LERI. SKRIFI DEN SANI DI YU LERI FU . . .
A frede di sma e frede trawan.
․․․․․
A lobi di Yesus ben abi gi den disipel fu en, srefi te den ben meki fowtu.
․․․․․
San yu e feni trutru moi fu a tori disi, èn fu san ede?
․․․․․
․․․․․