Dwar is-Saltna t’Alla
Dak li Nitgħallmu Minn Ġesù
Dwar is-Saltna t’Alla
X’inhi s-Saltna t’Alla?
Is-Saltna t’Alla hi gvern li se jaħkem l-art kollha. Ġesù qal: “Hekk, mela, itolbu: . . . ‘Ħa tiġi saltnatek. Ħa jkun li trid int, kif fis-sema, ukoll fuq l-art.’”—Mattew 6:9, 10; Danjel 2:44.
Min se jkunu l-ħakkiema tas-Saltna t’Alla?
Ġesù twieled biex ikun il-Ħakkiem tas-Saltna t’Alla. Anġlu qal lil omm Ġesù: “Alla Ġeħova jagħtih it-tron taʼ David missieru, u jsaltan.” (Luqa 1:30-33) Iżjed minn hekk, Ġesù għażel lil xi wħud mis-segwaċi tiegħu biex jaħkmu miegħu. Hu qal lill-appostli tiegħu: “Intom dawk li bqajtu miegħi fil-provi tiegħi; u nagħmel patt magħkom għal saltna, bħalma Missieri għamel miegħi.” (Luqa 22:28, 29; Danjel 7:27) Total taʼ 144,000 mis-segwaċi taʼ Ġesù se jaħkmu miegħu.—Rivelazzjoni 5:9, 10; 14:1.
Minfejn se jaħkem il-gvern?
Is-Saltna t’Alla se taħkem mis-sema. Ġesù qal lid-dixxipli tiegħu: “Jekk immur inħejji post għalikom [fis-sema], nerġaʼ niġi u nilqagħkom id-dar għandi, biex fejn inkun jien tkunu intom ukoll. . . . Jien sejjer għand il-Missier.”—Ġwanni 14:2, 3, 12; Danjel 7:13, 14.
Is-Saltna t’Alla x’se tagħmel dwar il-ħażen?
Ġesù se jnaddaf l-art min-nies mill-agħar. Ġesù qal: “Meta Bin il-bniedem [Ġesù] jasal fil-glorja tiegħu, u l-anġli kollha miegħu, imbagħad joqgħod Mattew 25:31-34, 46.
bil-qiegħda fuq it-tron glorjuż tiegħu. U l-ġnus kollha jinġabru quddiemu, u hu jifred lin-nies, wieħed mill-ieħor . . . U dawn [in-nies mill-agħar] imorru fil-qtugħ taʼ dejjem, imma n-nies sewwa fil-ħajja taʼ dejjem.”—Min huma dawk li se jgħixu fuq l-art bħala sudditi tas-Saltna?
Ġesù qal: “Henjin il-ġwejdin, għax għad jirtu l-art.” (Mattew 5:5; Salm 37:29; 72:8) L-art se tkun mimlija b’nies li saħansitra minn issa qed jitgħallmu jħobbu lil xulxin. Ġesù qal lis-segwaċi tiegħu: “Qed nagħtikom kmandament ġdid, li tħobbu lil xulxin; bħalma ħabbejtkom jien, ħobbu intom ukoll lil xulxin. B’dan ikun jaf kulħadd li intom dixxipli tiegħi, jekk ikollkom l-imħabba bejnietkom.”—Ġwanni 13:34, 35.
Is-Saltna t’Alla x’se tagħmel għall-umanità fuq l-art?
Ġesù se jfejjaq lill-umanità mill-mard. Meta kien fuq l-art, Ġesù kellem lill-folol “dwar is-saltna t’Alla, u fejjaq lil dawk li kellhom bżonn xi fejqan.” (Luqa 9:11) Wara li ra lil Ġesù rxoxtat f’viżjoni, l-appostlu Ġwanni qal: “Rajt sema ġdid u art ġdida . . . Smajt leħen għoli ġej mit-tron u qal: ‘Ara! It-tinda t’Alla hi mal-bnedmin . . . U jixxottalhom kull demgħa minn għajnejhom, u ma jkunx hemm iżjed mewt.’”—Rivelazzjoni 21:1-4.
Is-Saltna t’Alla se terġaʼ tbiddel id-dinja f’Ġenna taʼ l-art. Raġel ħażin li nqatel maʼ Ġesù qal: “Ġesù, ftakar fija meta tidħol fis-saltna tiegħek.” U Ġesù qallu: “Tassew ngħidlek illum, Int tkun fil-Ġenna miegħi.”—Luqa 23:42, 43; Isaija 11:4-9.
Għal iktar informazzjoni, ara kapitlu 8 tal-ktieb Il-Bibbja X’Tgħallem Verament? *
[Nota taʼ taħt]
^ par. 16 Pubblikat mix-Xhieda taʼ Ġeħova.