Gi den yonguwan

Wan brada di ben atibron

Den sani di yu musu du: Te yu e leisi a pisi disi, dan du dati na wan tiri presi. Te yu e leisi den bijbeltekst, dan prakseri fa a ben o de efu yu ben o de drape. Pruberi fu si san e pasa, èn pruberi fu yere den sten fu den sma. Pruberi fu frustan tu fa den moro prenspari sma na ini a tori e firi. Si a tori neleki a e pasa trutru na yu fesi.

PRUBERI FU SI SAN E PASA.—LEISI GENESIS 4:1-12.

Kon meki wi taki dati yu musu fruteri fa Kain de èn sortu fasi a abi. San yu ben o taki fu en? San yu ben o taki fu Abel?

․․․․․

Sortu „sani di sondu libisma e du” ben de krin fu si na a fasi fa Kain ben e tyari ensrefi èn fa wi du sabi dati? (Galasiasma 5:19-21)

․․․․․

ONDROSUKU A TORI MORO FINI.—LEISI VERS 4-7 BAKA.

A de so taki Yehovah ben e luku soso den ofrandi di Abel nanga Kain ben tyari? Noso a de so taki A ben e luku tra sani tu? (Odo 21:2)

․․․․․

Na ini sortu situwâsi a no fowtu kande fu atibron? Ma fu san ede a ben fowtu srefisrefi di Kain ben „atibron so”?

․․․․․

O ten a no fowtu fu dyarusu, ma fu san ede a no ben bun di Kain ben dyarusu tapu en brada? (1 Kownu 19:10)

․․․․․

San Kain ben kan du fu „basi” na atibron fu en?

․․․․․

DU SAN YU LERI. SKRIFI DEN SANI DI YU LERI FU . . .

Atibron.

․․․․․

Dyarusu.

․․․․․

A fasi fa wi kan „basi” den sondu firi fu wi.

․․․․․

SAN YU E FENI MOI FU A TORI DISI, ÈN FU SAN EDE?

․․․․․