Ta Vantshwa Va Hina

Jaha Leri Nga Ni Xivindzi

Swiletelo: Endla xitoloveto lexi endhawini leyi nga riki na pongo. Loko u ri karhi u hlaya matsalwa, tiehlekete u ri eka xiendlakalo lexi u hlayaka ha xona. Vona xiendlakalo xa kona hi mahlo ya mianakanyo. Twana marito lawa va ma vulaka. Titwi hi ndlela leyi vanhu lava ku vulavuriwaka ha vona va titwaka ha yona. Endla leswaku rungula leri ri twala onge ri le ku endlekeni sweswi.

VONA XIENDLAKALO XA KONA HI MAHLO YA MIANAKANYO.—HLAYA 1 SAMUWELE 17:1-11, 26, 32-51.

Hlamusela ndlela leyi u ehleketaka leswaku Goliyadi a a languteka ha yona swin’we ni ndlela leyi rito rakwe a ri twala ha yona.

․․․․․

Hambileswi Davhida a a nga ri eka vuthu ra nyimpi ra Vaisrayele, i yini lexi n’wi susumeteleke ku lava ku lwa na Goliyadi? (Vona ndzimana 26.)

․․․․․

Hi swihi swivangelo leswi Davhida a a ri na swona swo tshemba leswaku Yehovha a a ta n’wi pfuna? (Tlhela u hlaya tindzimana 34-37.)

․․․․․

ANAKANYISISA SWINENE HI MHAKA LEYI.

Tirhisa minkandziyiso yin’wana yo endla ndzavisiso leyi u nga na yona leswaku u kumisisa

(1) Ku leha ka Goliyadi. (1 Samuwele 17:4)

Swisungunu swa tsevu ni hafu = ․․․․․.

2) Ntiko wa nguvu ya Goliyadi ya mahakatimba ya nsimbi. (1 Samuwele 17:5)

Tixikele ta koporo ta 5 000 = ․․․․․.

(3) Ntiko wa banga ra fumu ra Goliyadi. (1 Samuwele 17:7)

Tixikele ta nsimbi ta 600 = ․․․․․.

TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Xivindzi.

․․․․․

Ku titshega hi Yehovha ematshan’weni yo titshega hi matimba ya wena.

․․․․․

NDLELA LEYI RUNGULA LERI RI TIRHAKA HA YONA EKA SWIYIMO SWIN’WANA.

Hi swihi swihinga leswikulu leswi vonakaka swi tika ku swi hlula leswi u langutanaka na swona?

․․․․․

Hi yihi mintokoto (ya wena n’wini kumbe ya van’wana) leyi ku khorwisaka leswaku Yehovha a nge ku fularheli?

․․․․․

HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․