Xoossay Deˈiyoy Ubbasaanee?

Asay darotoo zaariyo zaaruwaa:

◼ “I carkko mala; ubbasan, ubbaban deˈees.”

◼ “I hagaa mala giidi qonccissana danddayenna qoppiyo abbee deˈiyooba woykko wolqqa.”

Yesuusi woygidee?

◼ “Ta Aawaa keettan daro sohoi de7⁠ees.” (Yohaannisa 14:2) Xoossaassi keettan leemisettiyaabay woykko deˈiyo sohoy deˈiyoogaa Yesuusi yootiis.

◼ “Taani Aawaa matappe sa7aa yaas; qassi sa7aa aggada Aawaakko baana.” (Yohaannisa 16:28) Xoossay ubbasan deˈiyaaba gidennan issisan deˈiyoogaa Yesuusi erees.

XOOSSAY hagaa mala giidi qonccissana danddayenna wolqqa gidiyoogaa Yesuusi mule tamaarissibeenna. Hegaappe dumma ogiyan, i Xoossaa haasayissiisinne akko woossiis. I Yihoowa keehippe siiqiyoogaa qonccissiya ogiyan saluwan deˈiya ta Aawaa giidi darotoo xeegiis.—Yohaannisa 8: 19, 38, 54.

“Xoossai ayyaana” gidiyo gishshau “Xoossaa be7⁠ida asi mulekka” baynnaagee tuma. (Yohaannisa 1:18; 4:24) SHin hagee ayyo bolli baawa giyoogaa gidenna. Geeshsha Maxaafay: “Mereta bollai de7⁠ikko, qassi ayyaanaa bollaikka de7⁠ees” yaagees. (1 Qoronttoosa 15:44) Yaatin, Yihoowayyo ayyaana bollay deˈii?

Ee. Yesuusi hayquwaappe denddido wode, “i ha77⁠i nu gishshaa Xoossaa sinttan beettanau yaa saluwaa geliis.” (Ibraawe 9:24) Hagee Xoossaa xeelliyaagan keehippe koshshiya naaˈˈubata nuna akeekissees. Koyroy, au deˈiyosay deˈees. Naaˈˈanttoy, i ubbasan deˈiya, hagaa mala giidi qonccissana danddayenna wolqqa gidenna.

Yaatin, Xoossay ba wolqqaa ubbasan waatidi goˈettana danddayii? Xoossay geeshsha ayyaanaa woykko ooso bolli deˈiya ba wolqqaa salo gufanttonne saˈa micetta ubbasaa yeddana danddayees. Issi aaway ba naˈaa minttettanaunne kaafanau ba kushiyaa goˈettiyoogaadan, Xoossaykka ba halchuwaa polanau ba ayyaanaa goˈettees.—Mazamure 104:30; 139:7, NW.

Xoossaayyo eeshshati deˈoosona; i dosiyoobaynne ixxiyoobay deˈees—ubba ufayttanaunne azzananau danddayees. I ba asaa siiqiyoogaa, ba oosuwan ufayttiyoogaa, eeqa goynuwaa ixxiyoogaanne iita oosuwan azzaniyoogaa Geeshsha Maxaafay yootees. (Doomettaabaa 6:6; Zaarettido Wogaa 16:22; 1 Kawotu 10:9; Mazamure 104:31) Koyro Ximootiyoosa 1:11n, (NW) i “ufayttiya Xoossaa” geetettiis. Nuuni ha Xoossaa kumetta wozanaappe siiqanau tamaarana danddayiyoogaa Yesuusi yootidoogee garamissiyaaba gidenna!—Marqqoosa 12:30. *

[Tohossa qofata]

[Sinttaa 5n deʼiya misiliyaa qonccissuwaa]

Issi aaway ba kushiyaa goˈettiyoogaadan, Xoossaykka ba halchuwaa polanau ba ayyaanaa goˈettees