Хуыцауӕн ном ис?
Хуыцауӕн ном ис?
Арӕх фӕзӕгъынц:
▪ «Йӕ ном у Хуыцау».
▪ «Ном ын нӕй».
Чырысти та цы загъта?
▪ «Кувгӕ та кӕнут афтӕ: „Нӕ уӕларвон Фыд, срухс уӕд дӕ ном“» (Матфейы 6:9). Йесо зыдта, Хуыцауӕн ном кӕй ис.
▪ «Ӕз сын дӕ ном раргом кодтон ӕмӕ сын ӕй ноджыдӕр раргом кӕндзынӕн, цӕмӕй, ды мӕн куыд бауарзтай, уыдон дӕр афтӕ уарзой, ӕмӕ цӕмӕй ӕз уон семӕ иудзинады» (Иоанны 17:26). Йесо адӕмӕн дзырдта Хуыцауы ном.
▪ «Нал мӕ фендзыстут, цалынмӕ нӕ зӕгъат: „Арфӕгонд у, Йегъовӕйы номӕй чи ’рцӕуы, уый!“» (Лукайы 13:35; Псалом 118:26). Йесо дзырдта Хуыцауы ном.
ХУЫЦАУ нын йӕ ном йӕхӕдӕг раргом кодта. Библийы фыст ис: «Зонӕнт, Ды, кӕмӕн Иегъовӕ Йӕ ном, Иунӕг Бӕрзонд кӕй дӕ ӕппӕт зӕххыл» * (Псалом 82:19, Санк-Петербурджы Зонадон Императорон Академийы уагъд Псалтир, 1848 аз). Хуыцау йӕхицӕн цы ном радта, уый дзуттаг ӕвзагӕй ирон ӕвзагмӕ фӕтӕлмац кӕнынц Йегъовӕ, зӕгъгӕ. Чи зоны уӕм диссаг дӕр фӕкӕса, Библийы рагон къухфыстыты ацы ном цалдӕр мин хатты кӕй ӕмбӕлы, уый. Стӕй Библийы цы нӕмттӕ фыст ис, уыдонӕй арӕхдӕр ӕмбӕлы.
Хуыцауӕн йӕ ном куыд у, зӕгъгӕ, куы бафӕрсай, уӕд чидӕртӕ зӕгъдзысты: «Хуыцау». Фӕлӕ ахӕм дзуапп бӕлвырд нӕу. Зӕгъӕм бафарстой: «Кӕй равзӕрстой?» Ӕмӕ зӕгъынц: «Депутаты». Ацы дзуапп ницӕуыл дзурӕг у, уымӕн ӕмӕ «депутат» ном нӕу, раст афтӕ ныхас «Хуыцау» дӕр ном нӕу.
Хуыцау нын йӕ ном цӕмӕн раргом кодта? Цӕмӕй йӕ хуыздӕр базонӕм. Зӕгъӕм, уавӕртӕм гӕсгӕ адӕймаджы ис схонӕн хицау, фыд кӕнӕ фыдыфыд. Уыцы ныхӕстӕй адӕймаджы тыххӕй цыдӕр базонӕн ис. Фӕлӕ йын йӕ ном куы фехъусӕм, ӕрмӕстдӕр уӕд ӕрлӕууынц нӕ зӕрдыл, уыцы адӕймаджы тыххӕй цы зонӕм, уыдӕттӕ. Ныхӕстӕ Хицау, Ӕппӕтхъомысджын, Фыд ӕмӕ Сфӕлдисӕг дӕр нын не ’ргом здахынц Хуыцауы хъуыддӕгтӕм. Фӕлӕ нын ӕрмӕстдӕр йӕ ном, Йегъовӕ, нӕ зӕрдыл ӕрлӕууын кӕны, Хуыцауы тыххӕй цыдӕриддӕр зонӕм, уый. Уӕдӕ Хуыцауӕн йӕ ном куы нӕ зонӕм, уӕд афтӕ зӕгъӕн нӕй, ӕмӕ йӕ ӕцӕгдӕр зонӕм.
Фӕлӕ фаг нӕу Хуыцауӕн ӕрмӕст йӕ ном зонын, хъуамӕ йӕ дзургӕ дӕр кӕнӕм. Цӕмӕн? Библийы фыст ис: «Йегъовӕмӕ йӕ номӕй чидӕриддӕр кувы, уый фервӕздзӕн» (Ромӕгтӕм 10:13; Иоил 2:32).
[Фиппаинаг]
^ 9 абз. Хуыцауы ном цы нысан кӕны, ӕмӕ Библийы иуӕй-иу тӕлмацты цӕуылнӕ ис, уый тыххӕй фылдӕр базонӕн ис чиныгӕй «Библи бӕлвырдӕй цы дзуры?», 195–197 фф. Мыхуыры йӕ рауагътой Йегъовӕйы Ӕвдисӕнтӕ.
[Хицӕнгонд текст 6 фарсыл]
Уавӕртӕм гӕсгӕ адӕймаджы вӕййы схонӕн хицау, фыд кӕнӕ фыдыфыд. Фӕлӕ йын йӕ ном куы фехъусӕм, ӕрмӕстдӕр уӕд ӕрлӕууынц нӕ зӕрдыл, уыцы адӕймаджы тыххӕй цы зонӕм, уыдӕттӕ
