Mo le ʻAutalavou

Le Toetū o Lasalo

Faatonuga: Ia fai lenei lesona i se nofoaga toʻafilemu. A o e faitauina mau, ia pei lava o loo e iai i inā a o tutupu na mea. Ia faaata i lou mafaufau lenā vaaiga ma faalogo atu i leo o tagata. Ia iā te oe le faalogona e pei lava o loo tupu.

IA ILOILO LE VAAIGA.—FAITAU LE IOANE 11:1-45.

O ā uiga o loo e vaaia iā Mareta pe a e faitau i le fuaiupu e 21, ma o ā foʻi uiga o loo e vaaia iā Maria pe a e faitau i le fuaiupu e 32?

․․․․․

O le ā sau vaai faalemafaufau i le lē taofiofia o faalogona o Iesu e pei ona faamatala i fuaiupu e 33 ma le 35?

․․․․․

Ia taumafai e faaata pe faapeʻī pe ana e iai a o tupu le mea o loo faamatala mai i fuaiupu e 43 ma le 44—e lē gata mai le vaaiga a Lasalo a o le vaaiga a i latou na iai i inā.

IA FAI NI SAʻILIʻILIGA ATILI.

E lua aso e malaga atu ai i Petania mai le nofoaga sa iai Iesu. Aiseā la na filifili ai Iesu e tuai ona taunuu? (Toe faitau le fuaiupu e 6.)

․․․․․

E faapefea ona faailoa mai e le Tusi Paia e tau fai naunau Maria ma Mareta i mea faaleagaga? (Luka 10:38, 39; Ioane 11:24)

․․․․․

Aiseā na toe faatū ai e Iesu tagata, ae mulimuli ane toe maliliu i latou? (Mareko 1:41, 42; Ioane 5:28, 29; 11:45)

․․․․․

IA FAATATAU LESONA UA E AʻOAʻOINA. TUSI I LALO MEA UA E AʻOAʻOINA E TUSA AI MA . . .

Le tomai ma le lotomalie o Iesu e toe faatutū mai i latou ua maliliu.

․․․․․

Le loloto o le alofa mutimutivale o Iesu mo i latou o loo faavauvau.

․․․․․

O AI E TE FIA FEILOAʻI I AI PO O AI E TE TOE FIA MAFUTA I AI I LE TOETŪ?

․․․․․

O LE Ā LE VALA O LENEI TALA E SILI ONA TĀUA MA UIGĀ IĀ TE OE, MA AISEĀ?

․․․․․