Gi den yonguwan

Na opobaka fu Lasarus

Den sani di yu musu du: Te yu e leisi a pisi disi, dan du dati na wan tiri presi so taki yu frustan a tori moro bun. Te yu e leisi den Bijbeltekst, dan prakseri fa a ben o de efu yu ben o de drape. Yu e si san e pasa, èn yu e yere den sten fu den sma? Yu sabi fa den moro prenspari sma na ini a tori e firi?

PRUBERI FU SI SAN E PASA.—LEISI YOHANES 11:1-45.

Fa yu denki taki Marta ben e firi te yu leisi vers 21, èn fa yu denki taki Maria ben e firi te yu leisi vers 32?

․․․․․

Soleki fa a skrifi na ini vers 33 nanga 35, dan fa yu denki taki a ben o de efu yu ben de drape nanga Yesus?

․․․․․

Prakseri fa a ben o de efu yu ben drape di a sani di skrifi na ini vers 43 nanga 44 pasa. Fa yu denki Lasarus ben firi, èn fa den tra sma drape ben firi?

ONDROSUKU A TORI MORO FINI.

A ben o teki tu dei fu waka fu a presi pe Yesus ben de, go na Betania. Sobun, fu san ede Yesus no go wantewante na Betania? (Leisi vers 6 baka.)

․․․․․

Fa Bijbel e sori taki Maria èn sosrefi Marta ben lobi sani di abi fu du nanga Gado? (Lukas 10:38, 39; Yohanes 11:24)

․․․․․

Fu san ede Yesus ben gi sma wan opobaka, aladi den sma disi ben o dede baka? (Markus 1:41, 42; Yohanes 5:28, 29; 11:45)

․․․․․

DU SAN YU LERI. SKRIFI DEN SANI DI YU LERI FU . . .

Yesus di man gi den dedewan wan opobaka, èn di de klariklari fu du dati.

․․․․․

A fasi fa Yesus sori taki a e firi gi den sma di e sari.

․․․․․

SUMA YU BEN SA WANI MITI TE DEN DEDEWAN O OPO BAKA? NOSO SUMA DI YU SABI YU BEN SA WANI MITI BAKA?

․․․․․

SAN YU E FENI TRUTRU MOI FU A TORI DISI, ÈN FU SAN EDE?

․․․․․