Pian Tharna—Eng Anga Pawimawh Nge Ni?

NIKODEMA nêna an inbiak chhûng zawngin, Isua chuan pian thar a pawimawhzia chu a sawi uar hle a. Engtin nge a sawi uar?

Nikodema nêna an inbiaknaa Isua’n pian thar a pawimawhzia a sawi uar dân hi lo chhinchhiah ang che. Ani chuan: “Mi tupawh an pian thar loh chuan Pathian ram an hmu thei lo vang,” a ti a. (Johana 3:3) “Loh chuan” tih leh “thei lo” tih thu malte hian pian thar a ṭûlzia chu a târ lang chiang hle a ni. Entîr nân, mi tuemawin, “Nî a chhuah loh chuan, chhûn êng a awm thei lo,” a tih chuan, chhûn êng awm tûrin nî  chu loh theih lohva a chhuah ngei a ngai a tihna a ni a. Chutiang bawkin, Isua chuan Pathian Ram hmu tûrin mi chu a pian thar ngei ngei a ngai a tihna a ni.

A tâwpah, Isua chuan chu mi chungchânga rinhlelhna la awm theite tibo tûr ni âwm takin: ‘I piang thar tûr a ni,’ a ti leh a ni. (Johana 3:7) Isua sawi dân chuan pian thar chu ‘Pathian Rama lût’ tûrte hnêna thil phût—loh theih lohva nih ngei ngei tûr thil—a ni tih a chiang hle.—Johana 3:5.

Isua’n pian thar chu a ngaih pawimawh êm avângin, Kristiante chuan he thu hi an hre dik ngei tûr a ni a. Entîr nân, pian thar leh thar loh chu Kristiante duh thlan theih niin i hria em? (w09 4/1)

[Phêk 5-naa thu lâk chhuah]

“Nî a chhuah loh chuan, chhûn êng a awm thei lo”