¿Alläpatsuraq precisan yapë yurikuyänan?

NICODËMUWAN parlanqanchömi, Jesus rikätsikorqan yapë yurinan alläpa precisanqanta. ¿Imanötaq tsëta rikätsikorqan?

Kënömi nerqan: “Pipis yape mana yuricorqa, Diospa mandaquininman manam yeconqatsu” (Juan 3:3). “Yape mana yuricorqa” y “manam yeconqatsu” nerqa, yapë yurikunan alläpa precisanqantam Jesus willakïkarqan. Tsëta tantearinapaq kënö niyanqanman yarpärishun: “Inti o Rupay mana kaptenqa, manam Patsachö aktsi kanmantsu”, tsënö nerqa, Patsachö aktsi kanampaq Rupay alläpa precisanqantam nikäyan. Hina tsënö kaqllam, ‘Diospa mandaquininman yëkuyänampaq’ yapë yurikuyänan alläpa precisanqanta Jesuspis rikätsikïkarqan.

Tsëpitanam, mana qonqayänampaq neq cuenta, “presisanmi yape yuricuyänan” nerqan Jesus (Juan 3:7). Tsënö nenqanchömi rikärintsik, ‘Diospa mandaquininman yecuyänampaq’ yapë yurikuyänan alläpa precisanqanta (Juan 3:5).

Yapë yurikï alläpa precisanqampaq Jesus parlëkaptenqa, llapantsikmi alli musyanantsik yapë yurikï ima kanqantapis. Tsëqa, ¿kikin cristiänom akran yapë yurikunampaq ninkimantsuraq?

[5 kaq päginachö ninqan]

“Inti o Rupay mana kaptenqa, manam Patsachö aktsi kanmantsu”