M-Mar u he la Ngu a Inja Nena?

YESU pase var var ken iliam na vea Nikodemu ér u maren or hegh la ka kwagh u injaa kpishi. Yange pase kwagh ne wang nena?

Nenge er yange pase mluainja u m-mar u he la wang ken iliam na vea Nikodemu yô. A kaa ér: ‘Saa á mar or hegh, gayô, nana fatyô u nengen tartor u Aôndo ga.’  (Yohane 3:⁠3) Ishember i “saa” man i “fatyô . . . ga” la tese ér m-mar u he la ngu hange hange. U tesen ikyav yô, aluer or kaa ér, “saa iyange ia due, gayô sev mbua fatyô u wanger ga” yô, nan ngu kaan ér gba kpee u iyange ia due ve sev mbua av ye. Nahan Yesu kpa lu kaan ér saa a mar or hegh ve nana nenge a tartor u Aôndo ye.

Yesu shi ôr ér: ‘Ka u á mar ne hegh keng.’ Yange kimbir ôron mkaanem man sha u been a akperan a alaghga Nikodemu lu a mi ken ishima sha itinekwagh ne la. (Yohane 3:⁠7) Nahan kwagh u Yesu lu ôron jighilii yô ér, saa a mar or hegh keng ve nana fatyô u “nyôron tartor u Aôndo” ye.​—⁠Yohane 3:⁠5.

Er Yesu nenge ér u maren or hegh la ka kwagh u injaa kpishi yô, doo u Mbakristu vea lu a mfe u mimi sha itinekwagh ne. U tesen ikyav yô, u hen wer Orkristu nana fatyô u tsuan iyol i nan u lun or u i mar nan heghe?

[Mkaanem ma sha peeji 5]

“Saa iyange ia due, gayô sev mbua fatyô u wanger ga”