نئے سرے سے پیدا ہونا کس قدر اہم ہے؟
نئے سرے سے پیدا ہونا کس قدر اہم ہے؟
نیکدیمس کے ساتھ باتچیت کے دوران یسوع مسیح نے اِس بات پر زور دیا کہ نئے سرے سے پیدا ہونا بہت اہم ہے۔
آئیں دیکھیں کہ یسوع مسیح نے نئے سرے سے پیدا ہونے کی اہمیت کو کیسے نمایاں کِیا؟ اُس نے بیان کِیا: ”جب تک کوئی نئے سرے سے پیدا نہ ہو وہ خدا کی بادشاہی کو دیکھ نہیں سکتا۔“ (یوحنا ۳:۳) الفاظ ”جب تک“ اور ”نہیں سکتا“ نئے سرے سے پیدا ہونے کی اہمیت کو نمایاں کرتے ہیں۔ مثال کے طور پر، اگر کوئی یہ کہتا ہے کہ ”جب تک سورج نہ نکلے دن نہیں ہو سکتا“ تو اِس کا مطلب یہ ہوتا ہے کہ دن ہونے کے لئے سورج کا نکلنا ضروری ہے۔ اِسی طرح یسوع مسیح نے بیان کِیا کہ خدا کی بادشاہت کو دیکھنے کے لئے نئے سرے سے پیدا ہونا ضروری ہے۔
اِس بات پر مزید زور دینے کے لئے یسوع مسیح نے کہا: ”تمہیں نئے سرے سے پیدا ہونا ضرور ہے۔“ (یوحنا ۳:۷) اِس سے صاف ظاہر ہوتا ہے کہ یسوع مسیح نے ”خدا کی بادشاہی میں داخل“ ہونے کے لئے نئے سرے سے پیدا ہونے کو لازمی قرار دیا ہے۔—یوحنا ۳:۵۔
چونکہ یسوع مسیح نے نئے سرے سے پیدا ہونے کی اہمیت پر بہت زور دیا اِس لئے مسیحیوں کو اِس کے بارے میں صحیح علم حاصل کرنا چاہئے۔ آئیں اِس موضوع کے متعلق ایک سوال پر غور کریں کہ کیا کوئی شخص نئے سرے سے پیدا ہونے کا فیصلہ خود کر سکتا ہے؟
[صفحہ ۵ پر عبارت]
”جب تک سورج نہ نکلے دن نہیں ہو سکتا“