INUP­PAS­SUIT ataasiul­lunilu pingasuus­suseq “kristumius­susermi ilin­niar­titsis­sutigineqar­tut pingaar­nersaat­tut” isigisar­paat. Ilin­niar­titsis­sut tamanna naaper­torlugu Ataataq, Erneq anersaarlu iller­nar­toq pingasuul­lutik Guutiup­put ataaseq. Kardinaali John O’Con­nor oqarsimavoq ataasiul­lunilu pingasuus­suseq tupin­nangaar­tuusoq paasis­saan­ngitsoq. Ataasiul­lunilu pingasuus­suseq sooq taama paasiuminaatsigiva?

Oqaatsinik Biibilimiit­tunik qinerlerfis­siami The Illustrated Bible Dictionary-mi pis­sutaasin­naasoq allas­simavoq. Ataasiul­lunilu pingasuus­suseq pil­lugu ima allas­simavoq: “Biibilimi nas­suiar­neqan­ngim­mat ilin­niar­titsis­sutip tamatuma Biibilimik tun­ngaveqar­nera oqaatigineqarsin­naan­ngilaq.” Ataasiul­lunilu pingasuus­suseq Biibilimik tun­ngaveqan­ngim­mat tamatumin­nga upperin­nit­tut Biibilimi allas­simaf­fin­nik upper­narsaatigisin­naasamin­nik ujaasisar­put, allaat allas­simaf­fin­nik allan­nguisarlutik.

Biibilimi allas­simaf­fiit eqqun­ngitsumik ator­neqarajut­tut ilaat tas­saavoq Johan­nesi 1:1. Biibili-mi 2000-mi saq­qum­mersin­neqar­tumi versimi tamatumani ima allas­simavoq: “Pileq­qaar­neranni ippoq Oqaaseq, Oqaaserlu Guutimiip­poq [grækerisut: ton theon], Oqaaserlu Guutiuvoq [theos].” Versimi tamatumani oqaaseq grækerisooq theos (guuti) assigiin­ngitsunik marlun­nik taaneqar­poq. theos-ip siul­lermik taaneqar­nerata siuliani oqaaseq ton allas­simam­mat Guuti Pin­ngor­titsisoq pineqar­poq. Aap­paanili oqaaseq ton ilaan­ngilaq. Ilaatin­neqan­ngin­nera kuk­kunerua?

Johan­nesip iivangkiiliua grækerisut inuit nalingin­naasut oqaasii atorlugit allan­neqar­poq, oqaatsinilu taak­kunani aalajangersimasumik oqaasilerinermut najoq­qutas­siaqar­poq. Biibilimik ilisimatooq A. T. Rober­tson oqar­poq oqaatsit marluk tamarmik siulianni oqaaseeq­qat, soorlu ton imaluun­niit ho, ator­neqaraangata oqaatiginiar­neqar­tut assigeeq­qis­saar­tar­tut isum­mamik­kullu assigiil­lutik. Rober­tsonip Matiusi 13:38 assersuutigaa, tas­sani ima allas­simavoq: “Narsaat [ho agros] tas­saavoq inuit [ho kosmos].” Oqaaseeraq ho oqaatsit marluk siulianni ator­neqarmat paasisin­naavar­put inuit tas­saasut narsaat.

Taavami oqaatsit aap­paan­naata siuliani oqaaseeraq ator­neqar­pat, soorlu Johan­nesi 1:1-imi taamaat­toq? Ilisimatooq James Allen Hewet­t versi tamanna assersuusiaralugu ima oqar­poq: “Taamatut allas­simagaangat pineqar­tut isum­mamik­kut assigiin­neq ajor­put.”

Hewet­tip assersuutitut Johan­nesimit allak­kat siul­liit 1:5 issuar­paa, ima allas­simavoq: “Guuti tas­saavoq qaamaneq.” Grækerisut oqaatsip “Guuti”-p (theos) siuliani oqaaseeraq ho allas­simavoq. Oqaatsilli “qaamaneq”-up (phos) siuliani oqaaseeraqan­ngilaq. Hewet­tip ima nas­suiar­paa: “Oqar­toqarsin­naavoq Guuti qaamaneqar­tuaan­nar­toq, oqar­toqarsin­naan­ngilarli qaamaneq tas­saajuaan­nar­toq Guuti.” Aamma assersuutigisin­naavagut Johan­nesi 4:24: “Guuti anersaajuvoq”, aamma Johan­nesimit allak­kat siul­liit 4:16: “Guuti tas­saavoq asan­nin­neq.” Versit taak­kua grækerisoor­taanni oqaatsit ‘anersaaq’-p aamma “asan­nin­neq”-up siulianni oqaaseeq­qanik allas­simasoqan­ngilaq. Taamaat­tumik pineqar­tut assigeeq­qis­saan­ngil­lat. Versit taakku isumaqarsin­naan­ngil­lat “anersaaq tas­saasoq Guuti” imaluun­niit “asan­nin­neq tas­saasoq Guuti”.

Itsaq grækerit oqaasiinik ilisimatoor­pas­suit Biibilimillu nutserisor­pas­suit oqar­put Johan­nesi 1:1-imi ‘Oqaatsip’ kinaas­susia pineqar­nani pis­susia pineqar­toq. Biibilimik nutserisoq Wil­liam Barclay oqar­poq apustilip Johan­nesip theos sioq­qul­lugu oqaaseeraq ilan­ngutin­ngin­namiuk ‘Oqaatsip’ pis­susiisa ilaat allaatigigaa. Ima nangip­poq: “Johan­nesi uani isumaqan­ngilaq Oqaaseq Guutilu assigiit­tut. Allatut oqaatigalugu Johan­nesi oqan­ngilaq Jiisusi tas­saasoq Guuti.” Ilisimatooq Jason David BeDuhn ima assingusumik oqar­poq: “Oqaaseqatigiinni grækerisut Johan­nesi 1:1c-mi allas­simasumut assingusumi theos sioq­qul­lugu oqaaseeraq allas­siman­ngip­pat atuar­tar­tut isumaqas­san­ngil­lat guuti aalajangersimasoq allaatigineqar­toq.” Imalu nangip­poq: “Johan­nesi 1:1-imi Oqaaseq Guutiun­ngilaq ilumoor­toq, guutitulli pis­suseqar­poq.” Joseph Henry Thayer, ilisimatooq Biibilimik nutsik­kamik American Standard Version-imik nutsereqataasoq, ima oqar­poq: “Logos [Oqaaseq] Guutiunani guutitut ippoq.”

Guutip kinaas­susia ilumut ‘paasis­saan­ngitsumik tupin­nangaar­tuua’? Jiisusi taama isumaqan­ngilaq. Jiisusip qinutil­luni Ataatamilu assigiin­ngitsuuner­tik erseq­qis­sumik ima oqaatigaa: “Ilin­nik, Guutimik ilumoortutuamik, aal­lar­titan­nillu Jiisusimik Kristusimik ilisarisiman­niler­ner­tik naas­saan­ngitsumik inuuneqalis­sutigis­savaat.” (Joh 17:3) Jiisusi upperigutsigu Biibilimilu ilin­niar­titsis­sutigineqar­toq paasiuminar­toq paasigutsigu Jiisusip Guutimit ernerineqar­nera ataq­qis­savar­put. Aamma Jehova ‘Guutitut ilumoor­tutuatut’ guutisiorfigis­savar­put.