Vaticano ndoipotavéima ojeporu Ñandejára réra

UMI katólikope omoakãva ndoipotavéima Ñandejára réra ojeporu misahápe. Upévare el Papa omondo peteĩ kárta Vaticano guive umi katólikope omoakãvape (conferencia episcopal). Upéva ojapo Congregación para el Culto Divino y la Disciplina de los Sacramentos rupive.

Upe kárta ningo ojehaivaʼekue 29 de junio de 2008. Upépe heʼi ndogustaiha chupekuéra ojesegi ojeporu Ñandejára réra, el Santo térã el Divino tetragrammaton, pórke heʼímakuri hikuái anive hag̃ua ojeporu. Ha upe téra ojehai hag̃ua ojeporu cuatro konsonánte evréo יהוה, YHWH”. Avei heʼi ko téra heta hendáicha ojeʼeha: “Yahweh”, “Yahwè”, “Jahweh”, “Jahwè”, “Jave”, “Yehovah” ha ambue hendáicha. a El Papa ningo péicha oipota Ñandejára réra rendaguépe ojeporu jey “Señor” umi katóliko ypykue ojapo haguéicha voi. Ha avave ndoiporuivaʼerãha Ñandejára réra ojejapo jave mísa, ojepurahéi ha oñeñemboʼe jave.

Ohechauka hag̃ua hikuái mbaʼérepa oipota ojejapo upéicha, pe kártape heʼi umi katóliko ypykue ndoiporúi hague voi Ñandejára réra. Ha pe Septuaginta ojehai ypy vaʼekuépe oñemoĩma hague “Señor” (griégope Kýrios) Ñandejára réra rendaguépe. Ha heʼi jey jey “umi kristiáno ypykue ndoiporúi hague pe tetragrammaton”. Péro ndaipóri mbaʼeve ohechaukáva añeteha upe heʼíva hikuái. Pe Septuaginta ojehai ypy vaʼekuépe oĩ Ñandejára réra יהוה, ha ndaipóri Kýrios. Upéva ohechauka síglo primérope Jesucristo remimboʼekuéra oikuaa ha oiporu hague Ñandejára réra. Jesús voi heʼivaʼekue oñemboʼe jave Itúvape: ‘Aikuaauka chupekuéra nde réra’ (Juan 17:26). Ha haʼe heʼi ñandéve ñañemboʼe hag̃ua kóicha: ‘Ore Ru yvágape reiméva toñemombaʼeguasu nde réra marangatu’ (Mateo 6:9).

Upévare, opavave kristiáno omombaʼeguasuvaʼerã Ñandejára réra. Jehová ningo heʼi voi: ‘Kóva hína che réra opaite ára peve g̃uarã, péicha peẽ cherenóita opa árare’ (Éxodo 3:​15, ÑÑB). Péro el Papa katu ndoipotái ojeporu Ñandejára réra, upéicha ohechauka nomombaʼeiha Jehovápe.

[Nóta]

[Komentário oĩva páhina 30-pe]

“Kóva hína che réra opaite ára peve g̃uarã”

(Éxodo 3:15)

[Nóta oĩva taʼanga ndive páhina 30]

Por gentileza de Egypt Exploration Society

[Roagradese]

“Septuaginta” síglo primérope guare oguerekóva Ñandejára réra, umi cuatro létra evréo (YHWH)