UP­PERISAQ ‘ajun­ngitsunik inerititaqar­toq’ eq­qarsar­taatsitsin­nik pitsaanerulersitsisar­poq aam­ma inut­tut qanoq pitsan­ngorsin­naanitsin­nik ersersitsisar­poq. Eq­qor­tumik ilior­niarluta akiuun­nitsin­ni iluaqutigis­savar­put ajun­ngitsulior­nis­samul­lu kajumis­sis­sutigis­sal­lugu. Up­perisaq aalajangersimasoq taamatut sun­niuteqar­tar­nersoq qanoq ilil­luta paasisin­naavar­put?

Maluginiaruk apustilip Paulusip ukiuni hundredelin­ni siul­ler­ni kristumiut Korinthimi Grækenlandimiit­tumi najugal­lit qanoq al­laf­figinerai. Il­loqarfik taan­na tas­sani in­nut­taasut kinguaas­siuutitigut inuunerlun­nerat pil­lugu tusaamanerlugaavoq. Paulusi ima mianersoq­qusivoq: “Kinguaas­siuutitigut inuunerlut­tut guutipilus­sior­tul­luun­niit, al­lasior­tut anguteqatimin­noor­tar­tul­luun­niit, til­lit­tut piumatuul­luun­niit, imerajut­tut mitaatil­liisul­luun­niit piiaasul­luun­niit Guutip naalagaaf­fia kingor­nus­sarsiaris­san­ngilaat.” Taava ima nangip­poq: “Ilasi taamaas­simagaluar­put, uf­far­neqarlusili minguiar­neqar­pusi, il­ler­nar­titaavusi, iluar­tuutitaavusi Naalak­kap Jiisusi-Kristusip aq­qatigut Guutit­talu Anersaavatigut.” (1 Korinthimiut 6:9-11) Matumani paasivar­put inuit ileq­qus­satigut najoq­qutaqan­ngitsut up­perisaq ‘inerititaqarluar­toq’ Guutimut kif­faasutut minguitsun­ngor­nis­samin­nut ileq­qoris­saar­tun­ngor­nis­samin­nul­lu iluaqutigigaat.

Aam­mali Biibilimi ima mianersoq­qus­suteqar­poq: “Ul­lus­sani nal­liut­tus­sani inuit ajoqersuut peq­qis­sinar­toq naam­magiun­naarumaar­paat, nam­min­neq iluarisamin­nik amerlaqisunik ajoqersuisus­sarsiumaar­put siutimik tusar­narisaat tun­ngavigalugu.” — 2 Timotheusi 4:3.

Up­perisarsioqatigiit il­lit nalun­ngisatit qanoq ilior­tar­pat? Ileq­qus­satigut najoq­qutas­sianik qutsis­sunik Biibilimiit­tunik aalajangiusiman­nip­pat? Imaluun­niit siun­nersuutinik Guutip oqaasianiit­tunik kimikil­lisitsisar­pat inuit ‘tusar­narisaan­naan­nik’ oqalut­tuut­tarlugit?

Up­perisarsioqatigiit aalajangersimasut ajun­ngitsunik inerititaqar­nersut paasiniar­nis­saanut iluaqutis­satut im­maqa apeq­qutit tul­liut­tut eq­qarsaatigisin­naavatit.

BIIBILIMI AJOQERSUUTIGINEQARTOQ: “Aap­pariin­neq tamanit ataq­qineqas­saaq, aap­pariil­lu sinif­fiat minguitsuus­saaq. Guutim­mi eq­qar­tuuk­kumaar­pai kinguaas­siuutitigut inuunerlut­tut al­lasior­tul­lu.” — Hebræerit 13:4.

APEQQUT: Upperisarsioqatigiinni eqqarsaatigisanni piumasarineqarpa ilaasortaasut inooqatigiittut inatsisinut naapertuuttumik katissimassasut?

BIIBILIMI AJOQERSUUTIGINEQARTOQ: Jiisusi aperineqarami avin­nis­samut pis­sutis­saqarluar­toqarsin­naanersoq ima akivoq: “Kinguaas­siuutitigut inuunerlun­nerun­ngitsumik peq­quteqarluni avit­toq al­lamil­lu nuliar­toq al­lasior­poq.” — Mat­thæusi 19:9.

APEQQUT: Upperisarsioqatigiit taakkua Jiisusip siunnersuutaa tamanna ataqqivaat — taamaallaat kinguaassiuutitigut inuunerluttoqarsimatillugu — avittoqarnissaa kateqqittoqarnissaalu akuerisarlugu?

BIIBILIMI AJOQERSUUTIGINEQARTUT: “Kinguaas­siuutitigut inuunerlun­neq nigorsimaniarsiuk! Inuup ajor­tuliarisai al­lat tamarmik timip avataaniit­tar­put, kinguaas­siuutitigul­li inuunerlut­toq nam­mineq timiminut ajor­tulior­tar­poq.” — 1 Korinthimiut 6:18.

“[Ar­nar­taasa] atoqatigiin­neq pin­ngor­titaanermi pis­suserititaasoq pis­suserititaan­ngitsumik taarser­paat, taamatul­lu aam­ma angutitaasa  ar­namik atoqateqar­neq pin­ngor­titaanermi pis­suserititaasoq soraarul­lugu im­min­nut pileris­suseqarfigiler­put. Angutit kan­ngut­taal­lutik anguteqatimin­nik atoqateqar­tar­put taamalu tam­mar­nermin­nut naleq­qut­tumik pil­laatisiaqalerlutik.” — Romamiut 1:26, 27.

APEQQUT: Upperisarsioqatigiit taakkua ajoqersuutigaat angutip arnallu katissimanngitsut suiaassuseqatigiilluunniit atoqatigiinnerat ajortuliornerusoq?

BIIBILIMI AJOQERSUUTIGINEQARTUT: “Qatan­ngum­mik taaneqar­toq kinguaas­siuutitigut inuunerlut­tuup­pat piumatuujul­luniluun­niit, guutipilus­sior­tuul­luni mit­tatil­liisuul­luniluun­niit, imerajut­tuul­luni ujajaasuul­luniluun­niit, taan­na [ilagisas­san­ngilarsi]. Taamaat­toq nereqatigis­san­ngilarsiluun­niit.” (1 Korinthimiut 5:11) Kristumiuuneraraluarlutik Guutip peq­qus­sutaanik peq­qis­siminatik unioq­qutitsisut qanoq iliuuseqarfigineqar­tariaqar­pat? “Ajor­toq akor­nas­sin­nit piis­savarsi.” — 1 Korinthimiut 5:13.

APEQQUT: Upperisarsioqatigiit taakku ilaasortanik peqqissiminatik najoqqutassianik Biibilimiittunik sumiginnaasunik ilaajunnaarsitsisarpat?