JIISUSI Guutip oqaasianik ataq­qin­nin­nermik siuarsaasar­poq. Taman­na Saatanimit Diaavulumit us­ser­neqarami oqaasiini erseq­qip­poq. (Mat­thæusi 4:4-11) As­sersuutigalugu Jiisusi qanoq periar­pa Diaavulup ujaq­qanik timiusan­ngor­titseq­qugaluarmani? Us­ser­nar­toq akior­paa Mosesip oqaasii isumas­sarsiarititaasut 5 Mosesi 8:3-mi al­las­simasut is­suarlugit. Taava Diaavulup Jiisusi im­minik ataasiaan­narluni pal­lorfigin­nip­pat silarsuarmi naalagaaf­fin­nut tamanut naalagaas­susermik tuniumal­lugu neqeroorfigaa. Jiisusili qanoq periar­pa? Neqeroorutaanik itigar­titsivoq Biibilimi najoq­qutas­siaq 5 Mosesi 6:13-imiit­toq in­nersuus­sutigalugu.

Man­na eq­qarsaatigeriaruk — Jiisusi Guutimut er­nerugaluarluni al­lanik ilin­niar­titsigaangami Al­lak­kat Il­ler­nar­tut up­per­narsaatis­satut tutsuigisar­pai. Aam­ma inuit ileq­qutoqaat Guutip oqaasianit pingaar­nerutin­ngisaan­nar­pai. (Johan­nesi 7:16-18) Jiisusil­li nalaani up­perisarsior­nik­kut siut­tut ilar­pas­sui taas­sumatul­li Guutip oqaasianik ataq­qin­nin­ngil­lat. Sooq? Isumaqalersimap­put inuit ileq­qutoqaat Al­lak­kanit Il­ler­nar­tunit pingaaruteqar­nerusut. Jiisusip angutit up­perisarsior­tut taak­ku toq­qarlugit ima oqarfigai: “Guutip oqaasii atorun­naarsip­pasi kingor­nus­sarsiasi pil­lugit. Ilumoor­tuusaar­tusi! Ilis­si pil­lusi Esaja eq­qor­tumik siulit­tuisimavoq oqarami: Inuiaat ukua qarluin­narmin­nik ataq­qivaan­nga, uum­mataal­li uan­nit ungaseqaat asuliin­naq guutisiorfigaan­nga, inuim­mi inas­sutiliaat ajoqersuutigisaramik­kit.” — Mat­thæusi 15:6-9.

Silarsuarmi up­perisarsioqatigiit ilar­pas­sui, kristumiut kristumiuun­ngitsul­lu, Biibilimik ataq­qin­nin­nerar­put. Up­perisarsioqatigiip­pas­suil­li ilisimasavit ilaat qas­sit inuit kingor­nus­sarsiaan­nik,  imaluun­niit ileq­qutoqaan­nik, atuisarun­naar­tar­pat taak­ku Guutip oqaasiani ajoqersuutigineqar­tunut paasiuminar­tunut naaper­tuutin­ngik­kaangata? Apeq­qutit marluk eq­qarsaatigeriak­kit.

BIIBILIMI AJOQERSUUTIGINEQARTUT: Jiisusip nalimini up­perisarsior­nik­kut siut­tut as­suarai taaguutinik nuan­narisaqar­nerat nuimarusun­neral­lu pis­sutigalugit. Taak­ku pil­lugit ima oqar­poq: “Nal­liut­torsior­ner­ni akimanerit inigisar­tagaan­niik­kumal­laaraat synagoginilu is­siavin­ni sal­ler­niik­kumasarlutik; niueriar­tor­tarfin­nilu ilas­sior­tik­kumal­laaraat inun­nil­lu rabbimik taagor­neqarumasarlutik.” Taava Jiisusip ajoqersuk­kani ima erseq­qis­saavigai: “Ilis­sili rabbimik taagor­tis­san­ngilasi; ataasermi ajoqersuisoraarsi, ilis­silu tamas­si qatan­ngutigiip­pusi. Nunamiit­toq kinaluun­niit ataatas­sin­nik taas­san­ngilarsi; ataasermi ataatagaarsi, taan­na qilam­miit­toq.” — Mat­thæusi 23:1-10.

APEQQUT: Upperisarsioqatigiinni eqqarsaatigisanni siuttuusut ataqqinarpaluttumik taaguuteqarnissartik nuannaraat, aamma inuiaqatigiinni nuimasumik inissisimaffeqarniartarpat? Imaluunniit Jiisusip taamaaliunnginnissamik peqqussutaa naalappaat?

BIIBILIMI AJOQERSUUTIGINEQARTUT: “Ilin­nut guutilialiuutis­san­ngilatit suul­luun­niit qilam­mi pavani nunamiluun­niit maani imersuarmiluun­niit nunap ataani it­tut as­singinik. Tamak­ku pal­lorfigis­san­ngilatit guutisiorfiginagil­lu.” — 2 Mosesi 20:4, 5.

Apustilip Johan­nesip kristumiut ima al­laf­figai: “Guutipilun­nut mianersoritsi!” — 1 Johan­nesi 5:21.

APEQQUT: Upperisarsioqatigiit taakkua Guutimik pallorfiginninnermi assilissanik guutipilunnilluunniit atuinnginnissamik peqqussutit Biibilimiittut paasiuminartut maleruarpaat?

Up­perisat as­sigiin­ngitsor­pas­suit paatsiveerun­naraluar­tut aq­qut inuunermut sam­misoq nanisin­naavat. Guutisior­neq Guutip isaani ‘minguil­lunilu piviusoq’ ilisar­naater­pas­suaqar­poq. (Jaaku 1:27) Al­las­simaf­fiit al­laaserisami matumani sam­mineqar­tut aq­quser­nup nalunaaq­qutaanut up­perisamut Guutip akuerisaanut siulersor­tigisin­naasan­nut as­sersuun­neqarsin­naap­put.

Jehovap Nalunaajaasui aperisin­naavatit al­laaserisami matumani apeq­qutigineqar­tut qanoq akerusun­neraat. Oqaasii eq­qarsaatigik­kit, ukiunilu hundredelin­ni siul­ler­ni il­loqarfim­mi Berøami inuusut iliorsimanerat­tut iliorit. Paulusi oqaluus­sisoq tusar­naareeramik­ku taak­ku pil­lugit al­las­simavoq ‘oqaaseq kajumeqalutik ilas­sigaat, ul­lul­lu tamaasa Al­lak­kat misis­suif­figisaraat paasiniarlugu ilumut taamaan­nersut’. (Apustilit Suliaat 17:11) Berøami in­nut­taasut pisimanerat­tut Guutip oqaasianik ataq­qin­nik­kuit eqiasuil­lutil­lu taan­na atuaq­qis­saar­taruk­ku inuunermut aq­qut nanis­savat. Aq­qut taan­na ingerlavigis­sanerlugu il­lit nam­mineq aalajangigas­saraat.