Nemanduʼápa koʼã mbaʼére?

Katuete revyʼáneraʼe releévo umi rrevísta Ñemañaha ramoite osẽvaʼekue. Ehechamína ikatúpa nemanduʼa koʼã mbaʼére:

• Peteĩ mitã omanóramo isy retepýpe, oikove jeýnepa Ñandejára múndo pyahúpe?

Pe mitã oñepyrũ oikove oĩ ypy guive isy retepýpe. Jehová ningo ipoderosoiterei ha ikatu omoingove jey opaichagua omanovaʼekuépe, tahaʼe peteĩ imitãitereíva térã ijedámava. Haʼe ningo ‘opa mbaʼe ikatu ojapo’ (Mar. 10:27). Péro la Bíbliape ndeʼíri mbaʼépa Jehová ojapóta umi mitã omanovaʼekuégui isy retepýpe (15/4, páhina 12, 13).

• Mbaʼépa ñanemboʼe umi tahýi, damán, tuku guasu ha ambereʼi?

Koʼã cuatro mymbaʼi ohechauka mbaʼeichaitépa iñarandu Ñandejára (Pro. 30:​24-28) (15/4, páhina 16-19).

• Mbaʼépa oikorakaʼe 1909-pe testigos de Jehovápe g̃uarã iñimportantetereíva?

Áño 1909-pe la Watch Tower Bible and Tract Society ojeguerova Pittsburgh-gui (Pensilvania) Brooklyn-pe (Nueva York), ha koʼág̃a peve oĩ upépe. Upéva rupive ningo testigos de Jehová ojapo umi lívro, rrevísta, folléto ha mbaʼe (1/5, páhina 22-24).

• Mbaʼéicha javépa heʼi la Biblia iporãha ñakirirĩ?

Ñakirirĩkuaáramo ningo jahechauka ñaporomombaʼeha, ñanearandu ha ñanembaʼerechakuaaha. Avei ñanepytyvõ jajepyʼamongeta porãve hag̃ua (Sal. 37:7; 63:6; Pro. 11:12) (15/5, páhina 3-5).

• Mbaʼépa omombaʼetereivaʼekue John Wyclef, William Tyndale, Robert Morrison ha Adoniram Judson?

Koʼãva ningo omombaʼetereivaʼekue la Biblia ha otradusi hikuái ikatu hag̃uáicha la hénte oreko iñeʼẽtépe. Wyclef ha Tyndale otradusivaʼekue ingléspe, Morrison katu chínope ha Judson birmánope (1/6, páhina 8-11).

• Mboy rréi de Judá piko odefenderakaʼe pyʼaguasúpe Jehová róga?

Umi diecinueve rréi ogovernavaʼekue Judá apytégui ningo cuátronte odefende pyʼaguasúpe Jehová róga. Umíva hína rréi Asá, Jehosafat, Ezequías ha Josías (15/6, páhina 7-11).

• Enterove ungído piko oprepara umi lívro, rrevísta, ha opa mbaʼe ojeporúva oñehesaʼỹijo hag̃ua Ñandejára Ñeʼẽ?

Nahániri. Enterove umi Ñandejára oiporavóva ijespíritu sánto rupive ningo haʼehína pe ‘tembiguái jeroviaha ha iñarandúva’. Péro pe Cuerpo Gobernante añónte omoakã predikasión ha oprepara umi lívro, rrevísta, ha opa mbaʼe ojeporúva oñehesaʼỹijo hag̃ua Ñandejára Ñeʼẽ (15/6, páhina 22-24).

• Mbaʼérepa umi soldádo oipotaiterakaʼe Jesús aokue?

Umi soldádo oĩvaʼekue Jesús ojejukárõ guare, nombojaʼói chugui ijaokue. Yma ningo umi ao ojejapo hag̃ua ojeporu mokõi téla pedáso. Péro Jesús ao noñemboyvyivaʼekue ha ojetehe de unoite. Upévare iporã, hepy ha naentéroi ikatuvaʼekue oreko (1/7, páhina 22).

• Mbaʼérepa Jesús idiferenteterakaʼe umi rrelihión omoakãvagui?

Umi rrelihión omoakãva ningo ndohayhúi Ñandejárape ha oapoʼi hapichakuérape. Péro Jesús ohayhuetereivaʼekue Itúvape ha oiporiahuvereko umi héntepe (Mat. 9:36). Imbaʼeporã ha horyvaʼekue avei (15/7, páhina 15).

• Mbaʼérepa umi omendávape ikatu ijetuʼu oiporu porã hag̃ua ipláta, ha mbaʼépa oipytyvõkuaa chupekuéra?

Umi omendáva oikovai jepi plátare nokonfiái rupi ojuehe térã okyhyjégui. Ha ikatu voi idiferenteterei hikuái ojuehegui. Upévare koʼã cuatro konsého oipytyvõta chupekuéra: 1) ipyʼaguapyvaʼerã hikuái oñeʼẽta jave plátare; 2) ohechavaʼerã oñondive mbaʼéichapa oiporúta iplatami ohupytýva, 3) ohaivaʼerã hikuái mbaʼépa ojoguáta, ha 4) odesidivaʼerã hikuái mbaʼe mbaʼérepa oñenkargáta káda uno (1/8, páhina 10-12).