Nga Osungamenanga?

Nga wayangalele o tanga malongi mavaikiswa mun’Eyingidilu? Avo i wau, teza van’e mvutu za yuvu eyi yilende:

• Kele vo mwana wafwa kawutukidi, nga vena ye vuvu kia lufuluku?

E zingu kia muntu kiyantikanga vava o nkento kayimiti. Yave lenda fula wantu ana bawutuka kala ye ana bafwila muna vumu, kadi “kuna kwa Nzambi, mawonso melendakana.” (Maku 10:​27) Kansi, o Nkand’a Nzambi ke uvovanga mu mpila yakiá ko kana vo wan’awaya befwilanga mu vumu befuluka yovo ve.​—⁠15/4, lukaya lwa 12, 13.

• Adieyi tulenda longoka mu kuma kia nsumi, nkandi, ekonko ye vala?

E vangwa yá yayi ivwidi ngangu zayingi. Isonganga ngangu za Nzambi. (Nga. 30:​24-28)​—⁠15/4, lukaya lwa 16-​19.

• Ekuma mvu wa 2009 winina wamfunu muna lusansu lwa Mbangi za Yave?

Muna mvu wa 1909 evula dia sina dia Sociedade Torre de Vigia de Bíblias e Tratados, nkubika ina izayakene kwa luyalu besadilanga Ambangi za Yave mu vaikisa e nkanda, yakatulwa kuna Pittsburgh, Pensilvânia yo siwa kuna Brooklyn, Nova York. Yamu wau evula diadi diakinu kuna.​—⁠1/5, lukaya lwa 22-​24, mu Kimputu.

• Ekuma Nkand’a Nzambi usongelanga vo o butama mfunu kwina?

Nkand’a Nzambi usonganga vo o butama, sinsu kia luzitu, lusadisu muna badika mambu ye sinsu kia ngangu ye umbakuzi. (Nku. 37:7; 63:6; Nga. 11:12)​—⁠15/5, lukaya lwa 3-5.

• Nkia diambu diafwanana bavanga wantu awaya: John Wycliffe, William Tyndale, Robert Morrison, ye Adoniram Judson?

Yau awonso bazolanga Diambu dia Nzambi yo sekola dio muna ndinga ina yilenda tanga wantu. Wycliffe ye Tyndale basekola dio mu nding’a Kingelezo, Morrison mu Chinês, ye Judson mu Birmanês (Mianmar).​—⁠1/6, lukaya lwa 8-​11, mu Kimputu.

• Atinu akaka Ayuda aweyi basongela etima diau muna nzo a Nzambi?

Muna atinu kumi ye vwa bayala muna kintinu kia sude, muna Yuda, ayá kaka, i sia vo, Asa, Yosafate, Kizekeya ye Yosiya basong’etima muna nzo a Nzambi.​—⁠15/6, lukaya lwa 7-​11.

• Nga Akristu akuswa awonso ova ntoto i bekubikanga madia ma mwanda?

Ve. Akristu awonso akuswa muna mwand’a Nzambi bena muna buka kia ntaudi akwikizi yo lulungalalu, kansi awana kaka bena muna Buka kia Selo Yambuta i bekubikanga madia ma mwanda.​—⁠15/6, lukaya lwa 22-​24.

• Ekuma makesa ma Roma babadikila kinkutu kia Yesu vo kiantalu?

Makesa bavonda Yesu ke bakayana kinkutu kiandi mu tini-tini ko. Kuna nz’ankulu e yinkutu ya mpila yayi mu tenda yole yavangilwanga, kansi kina kia Yesu mu tenda kimosi kaka kiavangilwa, ke kiakala ye nswiku ko. Ikuma kiabadikilwa vo kiantalu.​—⁠1/7, lukaya lwa 22, mu Kimputu.

• Ekuma tulenda vovela vo o zola kasonga Yesu kwa wantu i kwanswaswanesa ye afidi a dibundu?

Vana fulu kia songa o zola kwa nkangu, afidi awaya wantu bavezanga. Vana ntandu, ke bazolanga Nzambi ko. Kansi Yesu wazolanga S’andi yo fwila wantu e nkenda. (Mat. 9:​36) Nkwa kiese ye walakazi kakala.​—⁠15/7, lukaya lwa 15.

• Ekuma e nzimbu zilenda twasila e ntatani muna longo? Adieyi dilenda sadila akazi mu sunda zo?

Nkumbu miayingi o lembi bundana e vuvu kufilanga akazi mu tantana mu kuma kia nzimbu. Dilenda kala vo yakala yo nkento mu mpila yaswaswana basansukila. Vena ye mambu yá malenda sadisa mu singika e ntatani zazi: Mokenanga mu kuma kia nzimbu, wizana dina nufwete vanga kele vo diambu dibwidi, nusonekanga una nufwete sadila e nzimbu muna nzo yo sikidisa dina kafwete vanga konso muntu.​—⁠1/8, lukaya lwa 10-​12, mu Kimputu.