¿Yuyarikunkichu?

¿Kay killasmanta Torremanta Qhawaq revistasta ñawirirqankichu? ¿Kay tapuykunaman kutichiyta atiwaqchu?

• Wawita mamanpa wiksan ukhupi wañupuptin, ¿Dios kawsarichimunqachu?

Wawitap kawsayninqa, mamanpa wiksan ukhupi qallarin. Jehovaqa, may atiyniyuq kasqanrayku, pillatapis wañusqamanta kawsarichiyta atin, imaraykuchus “Diospajqa tukuy imapis atikun” (Mar. 10:27). Chaywanpis Bibliaqa, imatachus Jehová, manaraq paqarikuchkaspa wañupuqkunawan ruwananmanta, mana sutʼinchanchu (15/4, páginas 12, 13).

• Chhakasta, wiskʼachasta, langostasta, gecosta ima, qhawaspa, ¿imatá yachakusunman?

Kay tawa animalitos imatapis yachaywan ruwasqankuqa, Dios may yachayniyuq kasqanta sutʼita rikuchiwanchik (Pro. 30:24-28) (15/4, páginas 16-19).

• Jehovamanta sutʼinchaqkuna pachak watas ñawpaqta, ¿imatá ruwarqanku?

Kay 1909 watapi, Watch Tower Bible and Tract Society nisqa, Pittsburgh (Pensilvania) llaqtamanta, Brooklyn (Nueva York) llaqtaman ripurqa, kunantaq chayllapipuni kachkan. Jehovamanta sutʼinchaqkunaqa, kay Watch Tower Bible and Tract Society nisqaniqta, publicacionesta urqhuchkanku (07-09, páginas 22-24).

• Biblia, ¿imaraykutaq chʼinyakuymanta allinta parlan?

Chʼinyakuspaqa, pitapis jatunpaq qhawasqanchikta, allin yuyayniyuq, allin runa ima, kasqanchikta rikuchinchik. Chantapis, tʼukurinapaq yanapawanchik (Sal. 37:7; 63:6; Pro. 11:12) (15/5, páginas 3-5).

• Judá llaqtapi kamachiqkunamanta, ¿machkhataq Diospa wasinta sunqu kʼajaywan jarkʼarqanku?

Judá llaqtapi, 19 kamachiqkunamantaqa, tawalla Diospa wasinta sunqu kʼajaywan jarkʼarqanku: Asá, Jehosafat, Ezequías, Josías ima (15/6, páginas 7-11).

• ¿Tukuy akllasqa cristianoschu, Diospa kamachisninpaq Bibliap nisqanmanjina yachachiykunata wakichinanku karqa?

Mana. Tukuy akllasqa cristianosqa, allin kamachi yuyayniyuqmanta kanku, chaywanpis, Diospa Llaqtanta Kamachiqkunalla, Diospa kamachisninpaq Bibliap nisqanmanjina yachachiykunata wakichinku (15/6, páginas 22-24).

• ¿Imaynatá juk waynuchuta allinta kawsakuyta yachananpaq yanapasunman?

Wawayki payllamantaña “cheqan yuyaywan” imatapis ruwayta akllananpaq, yanapanayki tiyan (Rom. 12:1, 2, Qheshwa Biblia). Bibliap nisqanmanjina ruwanqa chayqa, kawsayninpi imatapis kuraq runajina allinta ruwayta yachanqa, ima ruwaytapis akllasqanmantataq mana pesachikunqachu (Fili. 4:5; Gál. 6:7; Col. 3:21). Bibliap yachachisqanqa, familianchikpi kusisqa kawsakunapaq allinta yanapawanchik (07-09, página 10).

• Munakuy, ¿imaynatataq Jesusta, Judiospa religionninkuta kamachiqkunamanta tʼaqarqa?

Judiospa religionninkuta kamachiqkunaqa, Diosta, runa masinkuta ima, mana munakuqchu kanku. Jesustaqrí, Tatanta mayta munakuq, runasmantapis khuyakuq (Mat. 9:36). Chantapis, tukuywan may kʼacha karqa (15/7, página 15).