¿Yuyachkankichu?

¿Leerqankichu qayninpakunalla chaskisqayki Llaqta Cuidaq revistakunata? Hinaspaqa, yaqapaschá kay tapukuykunata kutichiwaq:

• Sichu huk warmi wañusqata wachakuruptinqa, ¿hamuq tiempopi chay wawa kawsarimunqachu?

Vidanchikqa qallarin mamanchikpa wiksanpi chayllaraq rikuriptinchikmi. Runapa vidan qallarisqanmanta haykapi wañukuptinpas, Jehová Diosqa atiyniyoqmi kawsarichinanpaq, “Diospaqa tukuymi atinallan” (Mar. 10:27). Bibliam ichaqa mana sutillatachu nin mamanpa wiksanpi wañuq wawata Dios kawsarichinanmantaqa (15/4/09, 12, 13 paginakunapi).

• ¿Imatam yachachiwanchik sisichakuna, damán sutiyoq animalcha, aqarway urukuna hinaspa geco sutiyoq animalchapas?

Kay yachaysapa tawa animalchakunaqa, Diospa yachaynintam qawachin (Pro. 30:24-28) (15/4/09, 16-19 paginakunapi).

• Bibliapa nisqanman hinaqa, ¿imanasqataq upallayqa ancha allin?

Upallalla kaspanchikmi qawachinchik respetakuq hinaspa yachayniyoq kasqanchikta. Allinmi yuyaymananapaqpas (Sal. 37:7; 63:6; Pro. 11:12) (15/5/09, 3-5 paginakunapi).

• Juda llaqtapi reykunamanta, ¿haykataq cheqap yupaychayta defienderqaku?

Juda llaqtapi 19 reykunamantaqa, tawallam cheqap yupaychayta defienderqaku Diosmanta sinchita sientispanku. Paykunam karqa: Asa, Josafat, Ezequias hinaspa Josias (15/6/09, 7-11 paginakunapi).

• Hanaq pachaman riqkunaqa, ¿llapallankuchu encargakunku Diosmanta tiempollanpi yachachiwananchikpaq?

Manam. Llapallanku allin yuyayniyoq confianza sirviente kaptinkupas, Diospa Llaqtanpi Punta Apaqkunallam tiempollanpiqa yachachiwanchik (15/6/09, 22-24 paginakunapi).

• ¿Imanasqataq Jesusqa kuyapayakuq karqa religionpi punta apaqkunamantaqa?

Religionpi punta apaqkunaqa manam Diosta kuyarqakuchu, runakunatapas despreciaqkum. Jesusmi ichaqa tukuy sonqonwan Taytanta kuyarqa hinaspa runakunatapas llakipayarqa (Mat. 9:36). Chaymantapas, payqa karqa llampu sonqo hinaspa kuyapayakuqmi (15/7/09, 15 paginapi).