¿Yuyashankichu?

May sumaqchá qampaqqa karan chayllaraq lloqsimuq Qhawaq revistakunata leeyqa. Chhayna kaqtinqa, ¿kutichiwaqchu qatimuqpi tapuykunata?

• Huk warmiq wiksanpi wawa wañunman chayri, ¿kawsarimpunmanchu chay wawa?

Runaq kawsayninqa qallarin wiksapi wiñayta qallarisqanmantapachan. Jehová Diosqa atiyniyoqmi pi runatapas kawsarichimpunanpaq, hayk’a watanpiña wañupuran chaypas, Bibliaq nisqan hina, “Diosqa tukuy imatapas atinmi” (Mar. 10:27). Ichaqa manan Bibliaqa willanchu wiksallapiraq kashaspa wañupuq wawata Dios kawsarichimpunqachus icha manachus chayta (15/4, 12, 13 paginakuna).

• ¿Imatan yachasunman sisikunamanta, damán qowikunamanta, lanqostakunamanta, geco qaraywakunamantapas?

Chay tawa yuyaysapa animalchakunaqa Diospa yachaynintan rikuchinku (Pro. 30:24-28) (15/4, 16-19 paginakuna).

•¿Imaraykun Biblia allinta riman upallaymanta?

Upallaspaqa otaq ch’inlla kaspaqa respetaq, reparaq, allin yuyaykuq kasqanchistan rikuchisunman. Chaymantapas yanapawanchismi yuyaymanananchispaq (Sal. 37:7; 63:6; Pro. 11:12) (15/5, 3-5 paginakuna).

• ¿Hayk’a reykunan Judá suyupi kallpachakuranku sonqomanta Diosta yupaychakunanpaq?

Judá suyupi kamachikuq chunka isqonniyoq reykunamantaqa, tawallan kallpachakuranku kamachisqanku runakuna Diosta tukuy sonqomanta yupaychanankupaq. Paykunan karanku: Asá, Jehosafat, Ezequías, Josías (15/6, 7-11 paginakuna).

• ¿Llapa akllasqa cristianokunachu espiritual mikhunata preparanku?

Manan. Diospa santo espiritunwan akllasqa cristianokunaqa llapankun allin yuyayniyoq hunt’aq kamachi t’aqamanta kanku, ichaqa Umalliq T’aqapi kaq cristianokunallan encargakunku espiritual mikhunata Dios serviqkunaman qonankupaq (15/6, 22-24 paginakuna).

• ¿Imaynapin Jesús munakuq kasqanwan hukniray karan religión umalliqkunamanta?

Religión umalliqkunaqa manan Diosta munakurankuchu runakunatapas pisicharankun. Jesusmi ichaqa anchata Taytanta munakuran khuyapayarantaq runakunata (Mat. 9:36). Chaymantapas sumaqtan munakuywan hukkunata trataran (15/7, página 15).