¿Kʼajaʼan wa tech?

¿Ta xokaj wa u tsʼook revistailoʼob U Pʼíich Tulumil Kanan maʼ sen úuch jóoʼsaʼakoʼoboʼ? Wa beyoʼ, ilawil wa jeʼel a núukik le kʼáatchiʼobaʼ:

• Wa utúul chaambal ku kíimil tu jobnel u maamaeʼ, ¿yaan wa u kaʼa kuxkíintaʼal?

Le kuxtaloʼ ku káajal le ken joʼopʼok u yantal le chaambal tu jobnel u maamaoʼ. Tiʼ Jéeobaeʼ yaan u páajtalil u kaʼa kuxkíintik le kimenoʼoboʼ, le Bibliaoʼ ku yaʼalik «minaʼan mix baʼal talam utiaʼal Jajal Dios» (Mar. 10:27). Baʼaleʼ le Bibliaoʼ maʼatech u yaʼalik baʼax ken u beet Jéeoba yoʼolal le mejen chaambaloʼob ku kíimloʼob tu jobnel u maamaʼoboʼ (15/4, táan juʼun 12 yéetel 13).

• ¿Baʼaxoʼob k-kanik tiʼ le mejen síinkoʼoboʼ, tiʼ le damanoʼoboʼ, tiʼ le sáakʼoʼob yéetel tiʼ le gecoʼoboʼ?

Le kantúul mejen baʼalcheʼob jach yaan u naʼatoʼobaʼ ku chíikbeskoʼob bukaʼaj nojchil u naʼat Dios (Pro. 30:24-28) (15/4, táan juʼun 16 tak 19).

• ¿Baʼaxten ku yaʼalik le Biblia unaj u makik u chiʼ máakoʼ?

U makik u chiʼ máakeʼ upʼéel bix u yeʼesik tsiikil yéetel naʼatil. Tsʼoʼoleʼ ku yáantaj utiaʼal u tuukul máak (Sal. 37:7; 63:6; Pro. 11:12) (15/5, táan juʼun 3 tak 5).

• ¿Jaytúul tiʼ u reyiloʼob Judá tu jach yaabiltoʼob u yotoch Dios?

Tiʼ le diecinueve reyoʼob gobernarnajoʼob Judaoʼ, chéen kantúul tiʼ letiʼob tu jach yaabiltoʼob u yotoch Diosiʼ: Asá, Josafat, Ezequías yéetel Josías (15/6, táan juʼun 7 tak 11).

• ¿Tuláakal wa le sukuʼunoʼob yéeyaʼanoʼob utiaʼal u binoʼob kaʼan ku táakpajloʼob utiaʼal u tsʼaʼob le kaʼansaj ku keʼetel yéetel janaloʼ?

Maʼatech. Tuláakal le máaxoʼob yéeyaʼanoʼob utiaʼal u binoʼob kaʼanoʼ ku táakpajloʼob ichil le palitsil chúukpajaʼan u yóol yéetel yaan u naʼatoʼ, baʼaleʼ chéen le yanoʼob ichil le Cuerpo Gobernante ku táakpajloʼob utiaʼal u tsʼaʼabal le kaʼansaj ku keʼetel yéetel janaloʼ (15/6, táan juʼun 22 tak 24).

• ¿Baʼax u jelaʼanil Jesús tiʼ u nuuktakil le judíoʼoboʼ?

U nuuktakil le judíoʼoboʼ maʼ u yaabiltmoʼob Dios kaʼachiʼ yéetel mix baʼal u taaskoʼob u maasil. Baʼaleʼ Jesuseʼ jach tu yaabiltaj u Taata yéetel jach tu chʼaʼaj óotsilil tiʼ le máakoʼoboʼ (Mat. 9:36). Tsʼoʼoleʼ jach tu yeʼesaj yaabilaj tiʼob (15/7, táan juʼun 15).