Na Jọja Mítọn Lẹ

Azọ́njiawu to Azán Pẹntikọsti Tọn Gbè!

Anademẹ he na yin hihodo: Wà ehe to lẹdo he ma tindo ayihafẹsẹnamẹnu depope mẹ. Dile hiẹ to wefọ lọ lẹ hia, pọ́n dewe hlan taidi mẹhe to mahẹ tindo to nujijọ lọ mẹ. Yí nukun homẹ tọn do pọ́n nujijọ lọ. Sè ogbè mẹhe to hodọ lẹ tọn. Tindo numọtolanmẹ dopolọ hẹ mẹhe yin tọ́ntlọ́ngbọ́n to nujijọ lọ mẹ lẹ. Pọ́n nujijọ lọ taidi nuhe to jijọ to alọnu.

GBADOPỌNNA NUJIJỌ LỌ.—HIA OWALỌ LẸ 2:1-21, 38-41.

Etẹwẹ nọ wá ayiha mẹ na we dile a to kandai Biblu tọn he gando “jẹhọn sinsinyẹn” po “owhẹ̀ odẹ́ tọn [he] taidi miyọ́n tọn” po go tọn hia?

․․․․․

Etẹwẹ a lẹndọ gbẹtọ lọ lẹ na ko to didọ to whenue e paṣa yé nado mọ devi lẹ to hodọ to jonọgbè mẹ?

․․․․․

Nawẹ a lẹndọ nukunmẹ mẹvlẹtọ he go wefọ 13tọ donù lẹ tọn na ko te do?

․․․․․

DINDONANU DOGỌ.

Etẹwẹ Pẹntikọsti yin, podọ nawẹ hùnwhẹ ehe sọgan ko nọ yinuwado gbẹtọgun he nọ pli to Jelusalẹm lẹ ji gbọn? (Deutelonomi 16:10-12)

․․․․․

Nawẹ Pita do sisi hia hosetọ etọn lẹ gbọn to whenue e to hodọna yé, podọ nawẹ e ze hodidọ etọn sinai do nuhe yemẹpo jẹakọ hẹ ji gbọn? (Owalọ lẹ 2:29)

․․․․․

Nawẹ adọgbigbo he Pita dohia to Pẹntikọsti whenu gbọnvo pete na nuhe jọ do e go to awánu yẹwhenọ daho tọn mẹ gbọn? (Matiu 26:69-75)_

․․․․․

YÍ NUHE A PLỌN LẸ ZAN. KÀN NUHE A PLỌN LẸ DAI GANDO NUHE BỌDEGO EHELẸ GO:

Mí dona nọ ze hodidọ mítọn lẹ sinai do nuhe míwlẹ po hosetọ mítọn lẹ po jẹakọ hẹ ji bo nọ dọhona yé po sisi po dile mí to nuyise mítọn lẹ má hẹ yé sọn Biblu mẹ.

․․․․․

E yọnbasi dọ hiẹ ni lẹzun Kunnudetọ Jehovah tọn adọgbotọ de, mahopọnna dọ a tlẹ nọ kuwinyan kavi nọ dibu todin.

․․․․․

ETẸWẸ FỌNJLODOTENA WE HUGAN TO KANDAI EHE MẸ, PODỌ ETẸWUTU?

․․․․․

Na dodinnanu devo lẹ, pọ́n Atọ̀họ̀-Nuhihọ́ Lọ Tọn [Flansegbe] 15 septembre 1996, weda 8 po 9 po.