Bakeng sa Bafsa ba Rena

Mohlolo ka Pentekoste!

Ditaelo: Dira mošomo wo lefelong le le homotšego. Ge o dutše o bala mangwalo, ipone o le karolo ya tiragalo yeo. Bona tiragalo. E-kwa mantšu. Ikwe kamoo baanegwa-thwadi ba ikwago ka gona. Dira gore taba e phele!

SEKA-SEKA TIRAGALO YE.—BALA DITIRO 2:1-21, 38-41.

Ke’ng seo se tlago kgopolong ya gago ge o dutše o bala pego ya mabapi le ‘lešata le bjalo ka ledimo le matla’ gotee le “maleme a ekego ke mollo”?

․․․․․

O nagana gore batho ba be ba bolela ba re eng ge ba be ba makatšwa ke go kwa barutiwa ba bolela ka maleme a šele?

․․․․․

O bona eka difahlego tša bakweri bao go bolelwago ka bona go temana 13 di be di bogega bjang?

․․․․․

NYAKIŠIŠA.

Pentekoste e be e le tiragalo ya mohuta mang, gomme tiragalo ye e ka ba e be e kgoma bjang maikwelo a lešaba leo le kgobokanego Jerusalema? (Doiteronomio 16:10-12)

․․․․․

Petro o ile a bontšha bjang tlhompho ge a be a bolela le batheetši, gona ke bjang a ilego a bolela seo ba bego ba dumelelana ka sona? (Ditiro 2:29)

․․․․․

Sebete sa Petro ka Pentekoste se be se fapana bjang le phihlelo ya gagwe ya pejana ka ntle lapeng la moperisita yo a phagamego? (Mateo 26:69-75)

․․․․․

DIRIŠA SEO O ITHUTILEGO SONA. NGWALA SEO O ITHUTILEGO SONA KA . . .

Go nyakega ga go ba le seo re dumelelanago ka sona le batheetši ba rena gomme re bolele le bona ka tlhompho ge re ba botša ditumelo tša rena tše theilwego Beibeleng.

․․․․․

Kgonagalo ya gore o tla ba Hlatse e nago le sebete ya Jehofa, gaešita le ge ga bjale o ka ba o ikwa o tšhoga goba o boifa.

․․․․․

KE KAROLO EFE YA PEGO YE YEO O HWEDITŠEGO E LE E HOLAGO KUDU, GOMME KA BAKA LA’NG?

․․․․․

Bakeng sa nyakišišo e oketšegilego, bona Morokami, September 15, 1996, matlakala 8-9.

․․․․․