Ta Vantshwa Va Hina

Singita Leri Veke Kona Hi Pentekosta!

Swiletelo: Endla xitoloveto lexi endhawini leyi nga riki na pongo. Loko u ri karhi u hlaya matsalwa, tianakanye u ri eka xiendlakalo lexi u hlayaka ha xona. Vona xiendlakalo xa kona hi mahlo ya mianakanyo. Twana marito lawa va ma vulaka. Titwe hi ndlela leyi vanhu lava ku vulavuriwaka ha vona va titwaka ha yona.

VONA XIENDLAKALO XA KONA HI MAHLO YA MIANAKANYO.—HLAYA MINTIRHO 2:1-21; 38-41.

I yini leswi taka emiehleketweni ya wena loko u ri karhi u hlaya rungula leri vulavulaka hi “rimoyana leri hungaka hi rivilo ra matimba” ni “tindzimi leti fanaka ni ndzilo”?

․․․․․

Xana u ehleketa leswaku vanhu va vule yini loko va hlamarisiwe hi ku twa vadyondzisiwa va vulavula tindzimi timbe?

․․․․․

Xana u ehleketa leswaku vahehli va vukhongeri a va languteka njhani eswikandzeni swa vona hilaha va hlamuseriwaka hakona eka ndzimana13?

․․․․․

ANAKANYISISA SWINENE HI MHAKA LEYI.

Xana Pentekosta a ku ri xiendlakalo xa njhani, naswona ku tlangela nkhuvo lowu swi wu khumbe njhani ntshungu lowu a wu hlengeletane eYerusalema? (Deteronoma 16:10-12)

․․․․․

Xana Petro u xi kombise njhani xichavo loko a vulavula ni vayingiseri vakwe, naswona u ri kume njhani rungula leri a ri va tsakisa swinene? (Mintirho 2:29)

․․․․․

Xana xivindzi lexi Petro a veke na xona loko a vulavula hi Pentekosta a xi hambane hi ndlela yihi ni ndlela leyi a vulavuleke ha yona eku sunguleni loko a ri ehubyeni ya yindlu ya muprista lonkulu? (Matewu 26:69-75)

․․․․․

TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Xilaveko xo endla hilaha ku fanaka eka vayingiseri va hina ni ku vulavula na vona hi xichavo loko hi va dyondzisa tidyondzo leti sekeriweke eBibeleni.

․․․․․

Ku va Mbhoni ya Yehovha leyi nga ni xivindzi hambiloko sweswi u titwa u ri ni tingana kumbe u chava.

․․․․․

HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․

Leswaku u endla ndzavisiso lowu engetelekeke, vona Xihondzo xo Rindza xa September 15, 1996, matluka 8-9.