“Guutip anaanaanik mianerin­nin­neq nalingin­naaler­poq . . . Guutimik nalusor­pas­suit ilagiin­nut ilan­ngus­sormata. . . . Guutimik mianerin­nin­neq [Guutimil­lu nalusut kristumiun­ngor­tor­taasa] up­perisarsior­nik­kut ilisimas­susiat ‘guutimik anaanaasumik angisuumik’ ‘niviarsiamil­lu guutiusumik’ pal­lorfigin­nin­nermit ukiuni tusindilin­ni sun­ner­neqarsimavoq.” — The New Encyclopædia Britannica (1988), atuagaq 16, qup­p. 326 aam­ma 327.

“Naar­tulis­saatit er­ner­taas­sal­lutil­lu, taan­nalu Jiisusimik atsis­savat. Pingaar­torsuan­ngus­saaq Qutsinnerussaartullu erneranik taaneqas­sal­luni. . . . Taamaat­tumik meeraq er­niusus­saq taaneqas­saaq Il­ler­nar­tumik, Guutip erneranik.” — Lukasi 1:31-35.

Versini Biibilimeersuni taak­kunani erseq­qip­poq Maria ‘Guutip er­neranut’, Guutimuun­ngitsoq, anaanaasoq. Ilami qanoq ilil­luni ‘qilaat qilaan­nik najugas­satut mikigin­nit­toq’ taas­suma il­liaaniis­sin­naagami? (1 Kun­ngit 8:27) Im­minut Guutimut anaananeran­ngisaan­nar­poq. Ataasiul­lunilu pingasuus­suserminguna ajoqersuut pis­sutigalugu Mariap kinaas­susia paatsiveerun­neqar­toq. Ukiumi 431-mi isumalioqatigiit Efesosimiit­tut Mariap Theotokos-itut (oqaaseq grækerisooq “Guutimik er­niarin­nit­toq”-mik isumaqar­toq), imaluun­niit “Guutip anaanaa”-tut, nalunaarutigineratigut Mariamik pal­lorfigin­nin­nis­samut aq­qutis­siuus­sip­put. Il­loqarfik Efesosi, isumalioqatigiit ataatsimiif­fiat, ukiuni hundredelin­ni qitor­nigajus­sutsimut guutigititamik ar­namik Ar­temisimik pal­lorfigin­nin­nermut qitiusimavoq.

Taamaalil­lutik ileq­qut guutiliamik Ar­temisimik ‘qilam­miit nak­kar­tumik’ pal­lorfigin­nin­nermut tun­ngas­suteqar­tut, soorlu ingerlaaqatigiin­nerit, Mariamik pal­lorfigin­nin­nermut ilan­ngun­neqar­put. (Apustilit Suliaat 19:35) Ileq­qoq kristumiut guutisior­neran­nut ilan­ngun­neqariar­tuaar­toq suli al­la tas­saavoq Mariap al­lal­lu as­singinik pal­lorfigin­nin­neq.

Versit Biibilimeersut uku naleqqiutikkit: Mat­thæusi 13:53-56; Markusi 3:31-35