“As­siliat kristumiut siul­liit pal­lorfigin­nin­neran­ni ator­neqan­ngil­lat. . . . 300-k­kun­ni 400-k­kun­nilu oqaluf­fim­mi as­silis­sanik atuinermik akuerin­nin­neq inun­nik ilisimaatsunik as­silis­sat aq­qutigalugit, oqaluutsit atuak­kal­lu aq­qutiginagit, kristumius­susermik paasin­nil­luarsin­naanerusorin­nin­neq tun­ngavigalugu il­lersor­neqar­poq.” — Cyclopedia of Biblical, Theological, and Ecclesiastical Literature McClintockimit Strongimil­lu, atuagaq 4, qup­p. 503 aam­ma 504.

“Ilin­nut guutilialiuutis­san­ngilatit suul­luun­niit qilam­mi pavani nunamiluun­niit maani imersuarmiluun­niit nunap ataani it­tut as­singinik. Tamak­ku pal­lorfigis­san­ngilatit guutisiorfiginagil­lu.” (2 Mosesi 20:4, 5) Apustilip Johan­nesip ukiuni hundredelin­ni siul­ler­ni kristumiut ima al­laf­figai: “Qitor­naasusi, guutipilun­nut mianersoritsi!” — 1 Johan­nesi 5:21.

As­silis­sat, ilagiin­ni siut­tut oqar­nerat­tut, pal­lorfigisanut qanil­linis­samut taak­kunin­ngalu ataq­qin­nin­nis­samut iluaqutaagin­nar­pat? The Encyclopedia of Religion-imi ima al­las­simavoq: “Aal­laq­qaam­mut as­silis­sat pingaar­tumik ilin­niar­titsinermut kusas­saatitul­lu ator­neqarsimasin­naap­put; taman­na taak­kunin­nga atuinerup eq­qor­tutut isigineqar­nis­saanut tun­ngaviuvoq. Nas­suerutigisariaqar­porli taak­kua pif­fis­sap sivikitsup ingerlanerani guutisior­nermi ator­neqar­taler­nerat. Ingam­mik as­silis­sat ilagiin­ni grækerini pingaaruteqalersut ator­neqar­taler­put.” Pruf­fiitili Esaja naleq­qul­luar­tumik ima aperivoq: “Guuti kimut as­sersuus­sin­naagas­siuk? As­silialiarisin­naagas­siuk?” — Esaja 40:18, The New Jerusalem Bible.

Versit Biibilimeersut uku naleqqiutikkit: Esaja 44:13-19; Apustilit Suliaat 10:25, 26; 17:29; 2 Korinthimiut 5:7