Iseda Matamata Taudia Totona

Paradaiso Ia Boio Dalana

Karaia Dalana: Inai eksasais be regerege lasi gabunai oi karaia. Baibel siridia oi duahia neganai, namona be oi laloa oi be unai sivarai lalonai oi noho bamona. Dahaka oi itaia? Daidia idia hereva? Edia hemami be edena bamona?

SIVARAI OI LALOHADAILAIA.​—GENESE 3:1-24 DUAHIA.

Oi laloa gaigai ese Heva ia hereva henia neganai, Heva be edena bamona ia kara?

․․․․․

Siri 7-10 ai ia hahedinaraia bamona, Adamu bona Heva be mai edia ura ida idia kara dika. Oi laloa unai negai edia hemami be edena bamona?

․․․․․

Siri 22-24 ai idia hahedinaraia bamona Iehova ese Adamu bona Heva be Eden umana amo ia luludia. Unai be edena bamona emu lalona ai oi itaia?

․․․․․

OI TAHUA GAUDIA MA HAIDA.

Edena dala ai Heva be ena matana ese idia koia? (Siri 6 duahia lou.)

․․․․․

Dahaka dainai Heva dekenai unai au huahua be “aniani gauna namona” ai ia lao? (Siri 4 bona 5 duahia lou.)

․․․․․

Dahaka ese reana Adamu ena lalona ia veria dainai, ia be Heva ia badinaia bona idia kara dika? (Siri 6 duahia lou.)

․․․․․

Adamu bona Heva idia kara dika neganai, unai ese tau bona hahine huanai dahaka ia havaraia? (Siri 16 duahia lou.)

․․․․․

Dahaka ese ia hahedinaraia goevagoeva Adamu bona Heva idia kara dika neganai, unai ese edia hetura karana ia hadikaia? (Siri 12 duahia lou.)

․․․․․

Edena dala ai Iehova be karaharaga dala ta ia karaia unai hekwakwanai ia hamaoromaoroa totona, unai amo Iena ura do ia guguru? (Siri 15 duahia lou.)

․․․․․

OI DIBAIA GAUDIA BADINAIA. HENUNAI HEREVADIA DEKENAI OI DIBAIA GAUNA OI TOREA . . .

Sibona laloa bada karana ena dika.

․․․․․

Matana ese ura dikadia ia havaraia diba dalana.

․․․․․

Ita karaia kerere be ma haida dekenai ita atoa karana.

․․․․․

INAI SIVARAI LALONAI, EDENA KAHANA BE OI URA HENIA BADA, BONA DAHAKA DAINAI?

․․․․․