„დანიშნული დრო“ ახლოსაა

მოსმენა

„დანიშნული დრო“ ახლოსაა

წინასწარმეტყველ აბაკუმის მსგავსად, იესოს მოწაფეებსაც სურდათ, ადამიანები ტანჯვისგან გათავისუფლებულიყვნენ. მას შემდეგ, რაც გაიგეს, რომ ღვთის სამეფო დედამიწაზე არსებულ სიტუაციას უკეთესობისკენ შეცვლიდა, მათ ჰკითხეს იესოს: „როდის მოხდება ეს, რა იქნება [სამეფო ძალაუფლებით] შენი მოსვლისა და ქვეყნიერების აღსასრულის ნიშანი?“ (მათე 24:3). პასუხად იესომ უთხრა თავის მოწაფეებს, რომ მხოლოდ იეჰოვა ღმერთმა იცოდა ზუსტი დრო, როდის დაიწყებდა ღვთის სამეფო დედამიწაზე სრულად მმართველობას (მათე 24:36; მარკოზი 13:32). მაგრამ იესომ და ღვთის სხვა ერთგულმა მსახურებმა იწინასწარმეტყველეს კონკრეტული მოვლენები, რომლებიც ცხადყოფდა, რომ დანიშნული დრო ახლოს იქნებოდა (იხილეთ ჩარჩო მარჯვენა მხარეს).

ალბათ, ამჩნევთ, რომ ეს ნაწინასწარმეტყველები მოვლენები დღეს სრულდება. იესომ ისიც იწინასწარმეტყველა, რომ საგანმანათლებლო საქმე მსოფლიო მასშტაბით შესრულდებოდა. მან თქვა: „ამ სასიხარულო ცნობას სამეფოს შესახებ იქადაგებენ მთელ მსოფლიოში ყველა ხალხისთვის დასამოწმებლად და მაშინ მოვა აღსასრული“ (მათე 24:14).

დღეს ეს წინასწარმეტყველება ზუსტად სრულდება. ამ საქმიანობას იეჰოვას მოწმეები ეწევიან. დაახლოებით 236 ქვეყანაში შვიდ მილიონზე მეტი იეჰოვას მოწმე ესაუბრება ხალხს იმის შესახებ, თუ რას გააკეთებს ღვთის სამეფო. ისინი ეხმარებიან ადამიანებს, რომ დაემორჩილონ სამართლიან ღმერთს, რომელსაც სურს, ბოლო მოუღოს ტანჯვასა და ტკივილს. კვლავაც მიიღეთ ცოდნა ღვთის სამეფოს შესახებ და თქვენ გექნებათ შესაძლებლობა, მარადიულად იცხოვროთ დედამიწაზე, სადაც ტანჯვა აღარ იქნება.

[ჩარჩო 8 გვერდზე]

ბიბლიური მუხლები, რომლებიც ბოლო დღეებზე მიუთითებს

მათე 24:6, 7; გამოცხადება 6:4

• არნახული ომები

მათე 24:7; მარკოზი 13:8

• ძლიერი მიწისძვრები

• საკვების უკმარისობა

ლუკა 21:11; გამოცხადება 6:8

• ეპიდემიები

მათე 24:12

• უკანონობის გამრავლება

• სიყვარულის განელება