“E Ntangwa Yasikidiswa” Ifinamene
“E Ntangwa Yasikidiswa” Ifinamene
NZE Kabakuke wa ngunza, alongoki a Yesu bakala ye luzolo lwa mona e ntangwa imanisa e mpasi. Vava balongoka dina divanga e Kintinu kia Nzambi mu singika mambu ova ntoto, bayuvula Yesu vo: ‘Nkia ntangwa mekal’o mambu mama; nki i sinsu mpe kia ngiz’aku, ye mbaninu a tandu?’ (Matai 24:3) Muna mvutu kabavana Yesu wavova vo, Yave wa Nzambi kaka ozeye ntangwa Kintinu kisingika mambu ova ntoto. (Matai 24:36; Maku 13:32) Kansi, Yesu y’akaka mpe bazayisa maka mambu mevangama ova ntoto mesonga vo e mbaninu ifinamene.—Tala e babu kina va ndambu.
Nga okwikilanga vo unu mambu mama muvangama mena mu nza yawonso? Yesu wazayisa mpe vo e salu kia longa kisalwa mu nza yawonso. Wavova vo: “E nsangu zazi zambote za kintinu zisamunwa muna nza yawonso, muna umbangi kwa zula yawonso; i bosi iluak’e mbaninu.”—Matai 24:14.
Ediadi mpe muvangama din’o unu. Mbangi za Yave besalanga e salu kiaki. Muna nsi 236, vioka mazunda nsambwadi ma mazunda ma Mbangi bezayisanga wantu dina kivanga Kintinu yo kubasadisa basia e zingu kiau e ngwizani ye nsiku miansongi mia Nzambi ona, osukisa e mpasi. Kwamanana longoka oma ma Kintinu kia Nzambi yo kala ye vuvu kiazinga yakwele mvu mu nza yakondw’e mpasi.
[Foto ina muna lukaya lwa 15]
Sono Iyikanga Lumbu Yambaninu
[Foto ina muna lukaya lwa 15]
MATAI 24:6, 7; LUSENGOMONO 6:4
• Vita ke zateka kala ko
• Nzakama zayingi za ntoto
• Mvengele
• Vuku
• Umpumbulu uwokela
• Zola kuvola
• E nza ifwaswanga
• Zola kwasaka kwa nzimbu
• Akolami ese yo ngudi
• Kuyizola kwayingi
• Kondwa-ungudi
• Minkondwa-ngwawani
• Wantu a mpila zawonso bekondwa-volo
• Mindembi zola mawete bewokela mwawonso
• Minzola nkembo ke mu Nzambi ko
• Akristu akivunina
• Ngunza zayingi zaluvunu
• Lubangamu lwa Akristu akieleka
• Lembi lemvokela lulukisu lwa Nkand’a Nzambi
[Mvovo mia Fwaniswa mina muna lukaya lwa 15]
Mbangi za Yave mu nza yawonso belonganga kwa wantu oma ma Kintinu kia Nzambi