“Omuvo Wanakua” Ukahi Popepi
“Omuvo Wanakua” Ukahi Popepi
NGOMUULI Habakuke, ovalongwa va Jesus ankho vahanda unene okutala onthyulilo yononkhumbi. Konyima yokulilongesa etyi Ouhamba wa Huku maukalinga pala okutetulula ovitateka kombanda yoohi, ovo vapula Jesus okuti: “Onalupi ovipuka ovio mavikamoneka? Olipi enyingilikilo malilekesa okuti ove weyale [mepondolo Liouhamba], no lionthyulilo youye?” (Mateus 24:3) Pokukumbulula, Jesus wapopia okuti, Jeova Huku oe vala utyii onalupi Ouhamba mauya okutumina oohi. (Mateus 24:36; Marcos 13:32) Moluotyo, Jesus iya na vakuavo, vapopile ovipuka vimwe mavikamoneka pano pohi, mavilekesa okuti onthyulilo ikahi popepi.—Tala pokakasa kokulio.
Ove kutavela okuti ovipuka ovio vikahi nokumoneka hono? Jesus tupu wapopile konthele yovilinga viokulongesa mavilingwa ouye auho. Oe wati: “Onondaka ombu onongwa mbouhamba wa Huku, mambukaiviswa kombanda yoohi aiho, pala oumbangi movilongo aviho, konyima onthyulilo aiya.”—Mateus 24:14.
Etyi, otyo umwe tyikahi nokumoneka hono. Onombangi mba Jeova vekahi nokulinga ovilinga ovio. Movilongo 236, Onombangi mbulamba ponomiliau epandu vali, vekahi nokupopila ovanthu etyi Ouhamba maukalinga, nokuvekuatesako okutavela ovitumino viaviuka via Huku, okulongesa okuti Ouhamba oo maukamanako ononkhumbi. Tualako okulilongesa konthele Youhamba wa Huku, opo ukakale nekevelelo liokukala nomuenyo wahapu mouye muhena ononkhumbi.
[Ehangununo liolutalatu pefo 8]
Onotestu Mbulekesa Okuti Tukahi Kononthiki Mbahulililako
[Okakasa pefo 8]
• Ovita ovinyingi.
• Ovinimawe ovinene.
• Ondyala.
• Omauvela.
• Eliyawiso liovivi.
• Ohole ikahi nokutenda.
• Okunyona oohi.
• Okuhole unene onombongo.
• Okuhetavela kovohe novoina.
• Okulihole unene ovo muene.
• Okuhena oluembia.
• Ovanthu vokuna omphata.
• Ovanthu aveho kavetyivili okulikondola omutima.
• Vokuhehole otyiwa.
• Okuhole vali ovitalukiso tyipona Huku.
• Ovanyingi velilekesa ngatyina Ovakristau.
• Kukahi nokumoneka ovauli ovanyingi vomatutu.
• Okumonesa ononkhumbi Ovakristau votyotyili.
• Ovanthu kavesukile nomalondolo Ombimbiliya.
[Ehangununo liolutalatu pefo 8]
Mouye auho, Onombangi mba Jeova valongesa vakuavo konthele Youhamba wa Huku