“Sikhatsi Lesimisiwe” Sisondzele

NJENGEMPROFETHI HABAKHUKI, bafundzi baJesu bebalindzele kubona kuphela kwekuhlupheka. Njengobe besebafundzile ngaloko uMbuso waNkulunkulu lotawukwenta kute ulungise tinkinga emhlabeni, babuta Jesu: “Letintfo tiyakwenteka nini, kuyakwentekani lokuyawukhombisa kutsi sesikhatsi sekubuya kwakho [sekuba semandleni ekuBusa] nekutsi sekuphela kwetikhatsi?” (Matewu 24:3) Jesu waphendvula watsi nguNkulunkulu Jehova kuphela lowati sikhatsi lesicondzile lapho uMbuso wakhe utawubusa khona umhlaba. (Matewu 24:36; Makho 13:32) Nobe kunjalo, Jesu kanye nalabanye, bativeta tintfo letatiyokwenteka emhlabeni tikhombise kutsi lesikhatsi sesisondzele.—Fundza  libhokisi lelingesekudla.

Awuvumi yini kutsi letintfo tivamisile kwenteka lamuhla? Jesu waphindze wabiketela kutsi umsebenti wekufundzisa wawuyokwentiwa emhlabeni wonkhe. Watsi: “LeliVangeli ngembuso liyawushunyayelwa emhlabeni wonkhe, kuze kube bufakazi etiveni tonkhe, bese-ke kuyefika kuphela.”—Matewu 24:14.

Nguloko lokwentekako lamuhla. BoFakazi BaJehova benta wona kanye loyo msebenti. Emaveni langu-236, boFakazi labangetulu kwetigidzi letisikhombisa batjela bantfu ngaloko uMbuso loyawukwenta, futsi babasita kutsi bavumelanise kuphila kwabo netimfuneko letilungile taNkulunkulu lofuna kukucedza nya kuhlupheka nebuhlungu. Chubeka ufundza ngeMbuso waNkulunkulu, futsi utawuba nelitsemba lekuphila phakadze emhlabeni lote kuhlupheka.

[Libhokisi ekhasini 8]

 Imibhalo Lekhombisa Kutsi Siphila Emalangeni Ekugcina

MATEWU 24:6, 7; SEMBULO 6:4

• Timphi letinkhulu

MATEWU 24:7; MAKHO 13:8

• Kutamatama kwemhlaba

• Indlala

LUKHA 21:11; SEMBULO 6:8

• Tifo letitsatselwanako

MATEWU 24:12

• Kwandza kwekona

• Kuphola kwelutsandvo

SEMBULO 11:18

• Babhubhisi bemhlaba

2 THIMOTHI 3:2

• Batsandzi bemali

• Labangalaleli batali

• Bantfu bayawutitsandza

2 THIMOTHI 3:3

• Babete lutsandvo

• Bangatsetselelani

• Bangatitsibi

• Batondze lokuhle

2 THIMOTHI 3:4

• Batsandze kutijabulisa kunekutsi babe ngulabatsandza Nkulunkulu

2 THIMOTHI 3:5

• Bayawuba nesimo sekumesaba Nkulunkulu

MATEWU 24:5, 11; MAKHO 13:6

• Kuyawuba nebaphrofethi bemanga labanyenti

MATEWU 24:9; LUKHA 21:12

• EmaKhristu eliciniso ayawushushiswa

MATEWU 24:39

• Bantfu angeke batinake tecwayiso teliBhayibheli

[Sitfombe ekhasini 8]

Emhlabeni wonkhe, boFakazi BaJehova bafundzisa labanye ngeMbuso waNkulunkulu