Maara Ainei ia Koe?

Kua rekareka ainei koe i te tatau anga i te au itiu ou o Te Punanga Tiaki? Akara ana me ka rauka ia koe i te pau i te au uianga ka aru mai:

• Eaa te apiianga ka kite mai tatou mei ta Iesu akaora anga ia Petero mei te maremo anga i roto i te tai? (Mata. 14:​28-31)

Me kite atu tatou i tetai taeake kua apikepike te akarongo, ka rauka ia tatou i te tauturu atu iaia kia maroiroi mai tona akarongo.​—9/15, kapi 8.

• Eaa ta Iehova i rave i te akaora ia tatou?

Kua akakoromaki a Iehova te tamamaeia anga e te aviriia anga tana tamaiti. Mei tei akatutuia mai e to Aberahama tu puareinga ua i te oronga anga i tana tamaiti, kua akakoromaki a Iehova i te tamateia anga tana Tamaiti ei tangata apa i te ture.​—9/15, kapi 28-29.

• I roto i teea tu e akariro ei a Iehova ia koe kia apinga nui?

Te tuatau i topa, kua akameitaki a Iehova i tetai pae ki te apinga nui pae kopapa, mei ia Aberahama rai raua ko Solomona. Ko te apinga nui ra ta te au Kerititiano ka anoano maata atu e ka rauka i te Atua i te tauturu kia rauka i tetai te reira, te kapiti maira te akarongo, te au, te mareka ua, e te mataora.​—10/1, kapi 3-7.

• Eaa ra te akaaere anga i te moni i riro ei ei akaaoanga no te akaipoipo, e eaa te ka tauturu i te au tokorua kia puapingaia?

Maataanga o te taime, te au manamanata o te moni, no runga i te tu irinaki me kore no te mataku, e penei e tuke te utuutu anga o nga tokorua akaipoipo. Au taviri e a e puapinga ai: Apii i te tuatua au ua no runga i te moni, akatikatika e akapeea me akatere i te moni, tata i tetai papaanga o te moni a te ngutuare tangata, e iki e naai e rave i teia e tera.​—10/1, kapi 10-12.

• Te apii maira a Maseli 24:27 i teea apiianga no runga i te ‘akatu anga i tetai are’?

Tetai tangata e inangaro ra i te akaipoipo, kia akateateamamao no taua apainga ra. Te kapiti maira te akapapa anga i te au mea materia no te ngutuare tangata, e kia riro ei upoko no te ngutuare tangata.​—10/15, kapi 12.

• Eaa te au apinga puapinga e toru kia puapingaia te apii Pipiria a te ngutuare?

Mea mua, e rave putuputu. Akanoo i te ra e te taime taka meitaki no te Akamorianga a te Ngutuare i te aiai, e e akamou ki te reira. Eiaa e akariro ei tu matau i te rave i te apii i tetai taime ua. Te rua, rave kia tau ua. Iki i te au tumu tuatua te tau ra ki ta te tamaiti ka aro atu i te au ra me kore i te au epetoma te ka aereia. Te toru, kia raveia ma te mataora. Akarongo i tetai o te au teata me kore, akarakara e te uriuri i tetai o te au vitio tei neneiia e te Au Kite o Iehova. Me kore, ka tatau kapiti kotou i tetai tuanga o te Pipiria, e oti ka oake i tetai tuanga na te mema tatakitai o te ngutuare e tatau mai.​—10/15, kapi 29-31.

• Akapeea a Iehova raua ko Iesu te akanoo anga i te au akaraanga no tatou no te tu meitaki?

Noatu to Iehova taoonga maata, kua akono aia i te tangata ma te takinga meitaki e te akangateitei. Te tuatua anga aia kia Aberahama raua ko Mose, kua taangaanga a Iehova i te tuatua Epera tei taui i tetai akauenga ki tetai patianga maru. (Gene. 13:14; Exo. 4:6) E akarongo katoa ana te Atua ki te tangata. (Gene. 18:​23-32) Pera rai a Iesu, kua papa ua aia e te inangaro ua i te tauturu i te aronga takapini iaia, te taiku putuputu katoa anga i to ratou ingoa.​—11/15, kapi 25.

• Me te apii ra i te reo akairo, akapeea koe e tukatau ei i te reo akairo e te marama anga i te reira?

Noatu e au papuritia tetai i roto i toou putuputuanga e rongo ra, tauta kia kore e tuatua. Na teia e tauturu ia koe kia akamanako na roto i te reo akairo. Tetai au taime, ka timataia koe kia tuatua kare e taangaanga i te reo akairo. Inara, me apii i tetai ua atu reo, ka tauta ua rai koe kia riro mai ei tangata tukatau i te reo akairo.​—11/15, kapi 31.