“Ndyinueko Vali Katutu”

ALLEN wahimbika okunua unene etyi ena omanima 11. a Allen nomapanga ae ankho vanyana okuhetekela ovipuka vehole okutala mo nosinema. Ovipuka ankho vahetekela mo nosinema haviotyotyiliko, mahi Allen nomapanga ae ankho vanwa umwe tyo tyotyili.

Tony mokueenda kuomanima 40 wehimbika okuyawisa kokunwa kuae katutu-katutu, kese tyinthiki ankho unwa vala okakopo keke ine uvali, pahe unwa utano ine epandu. Katutu-katutu ehimbika okunwa unene tyahavalula vali oukopo anwa.

Allen waovola ombatelo opo atunde motyitateka otyo tyokunwa. Tony wanya okukuateswako nombunga nomapanga ae. Allen hono una omuenyo, oe ukahi nokutyipopia; Tony wankhia mokonda yokuanwa unene apumu netuku-tuku.

Alo umwe tyina omunthu unwa aike kelivili okuliteta, wetela vakuavo ovitateka ovinene. b Okunwa unene otyo tyihole okueta ovitateka viokutañguna, nokulwa, nokuliipaa nokupuma nomatuku-tuku, nokuetela ovitateka ekongoko. Okunwa mouye auho kese nima tyimana onombongo ononyingi, tyahakutikinyamo etyi tyimana kese omunthu, onombunga, ine ovana.

Osikola Yekongoko ko Amelika U.S yati: “Haveho vanwa vena otyitateka tyokunua unene, iya haveho vena otyitateka tyokunua unene vanwa ononthiki ambuho.” Ovanyingi ankho vahanu unene vahimbika okunwa unene, otyo vehetyiete. Ovakuavo ankho vanwa vala pamwe-pamwe pahe vanwa oukopo mbulamba po nonthano motyikando tyike vala.

Inkha wahanda okunwa, oñgeni molingi opo wahanue unene? Oñgeni ove upondola okunoñgonoka okuti “himanu vali tyatuuka”? (Provérbios 23:29, 30 Contemporary English Version) Mononthele mambulandulako mambupopi onondaka mbutukuatesako konthele oyo.

[Onondaka Poutoi]