Bibel Mambahen Denggan Ngolukku

“Dang Hubeda-bedahon be Halak.”​—HAFENI NGHAMA

UMUR: 34

NEGERI ASAL: ZAMBIA

RIWAYAT HIDUP: ANGGOTA RASTAFARIA

NGOLUKKU NA UJU I: Tubu di pengungsian na di Zambia do au. Na melarihon diri do omak sian Namibia ala adong porang disi. Jala bergabung ma ibana tu Organisasi Rakyat Afrika Barat Daya (SWAPO). Marporang do organisasi on mangalo rezim Afrika Selatan na mangarajai Namibia tikki i.

Sahat tu na marumur 15 taon, tinggal di piga-piga pengungsian do au. Diajari do akka na poso di pengungsian SWAPO i asa olo gabe pelopor gerakan pembebasan. Diajari do tong hami marpolitik jala diajari do hami asa sogo rohanami tu halak na bottar kulitna.

Tikki marumur 11 taon, naeng mendaftar ma au gabe jemaat ni sada gareja di pengungsian i. Gabungan ni gareja Katolik Rom do i, Luteran, Anglikan, dohot gareja na asing. Alai gabe metmet do rohakku dibahen pastor na hujuppangi i. Alani i gabe dang jadi au mendaftar gabe jemaat ni gareja i. Mulai sian i, dang porsea be au tu Debata. Di umur 15 taon, lomo ma rohakku tu musik reggae jala lomo ma rohakku asa dang adong be ketidakadilan na dibahen tu halak Afrika na birong kulitna. Alani i, bergabung ma au tu gerakan Rastafaria. Gimbal do obukku, marganja do au, dang huallang jagal, jala huperjuakkon do asa merdeka halak na birong kulitna. Alai mangulahon seks na so patut do au, manonton film na patuduhon kekerasan, jala dang suman hata-hatakku.

SONGON DIA BIBEL PAUBAHON NGOLUKKU: Di taon 1995, tikki marumur hira-hira 20 taon au, mulai ma hupikkiri aha do sebenarna na hulului di ngolukku. Jadi hujaha ma sude buku Rastafaria na boi dapottu. Adong do dibahen ayat ni Bibel di piga-piga bukku i, alai hira na so masuk diakkal hatoranganna. Jadi mulai ma hujaha Bibel.

Dung i adong ma sahalak donganku anggota Rastafaria na mangalehon bukku alat bantu marsiajar Bibel na dibahen Saksi Jahowa. Dung i huparsiajari ma bukku i rap dohot Bibel. Di pudian ni ari, pajuppang ma au dohot Saksi Jahowa. Jala hulanjuthon ma parsiajaranku rap dohot nasida.

Berusaha ma au pasohon marisap dohot minum minuman beralkohol, nang pe dang mura mangulahon i. (2 Korint 7:1) Hupadenggan ma penampilanku, hupangkas ma obukku na gimbal i, dang hutonton be pornografi dohot film na patuduhon kekerasan, jala hupadenggan ma carakku makkatai. (Epesus 5:3, 4) Ujungna dang hubeda-bedahon be halak jala dang sogo be rohakku tu halak na bottar. (Ulaon ni Apostel 10:34, 35) Hubolokkon do tong musik na lirik laguna hira na membeda-bedahon halak jala dang mardongan be au tu akka donganku na leleng na sai mangajak au asa mulak songon na uju i.

Dung boi au muba, lao ma au tu Bale Harajaon ni Saksi Jahowa lao mendaftar gabe jemaat ni agama i. Jadi marsiajar Bibel ma au muse. Dung hupaboa tu keluargakku na lao tardidi au asa boi gabe Saksi Jahowa, muruk ma nasida. Didok omak do tu au, tumagon ma hupillit agama “Kristen” na asing, asal ma unang Saksi Jahowa. Adong sada tulangku pejabat pamaretta na sai muruk tu au ala naeng gabe Saksi Jahowa au.

Ala nungnga huparsiajari songon dia sikap ni Jesus tu akka halak jala huihutton nasehatna, gabe boi ma au tetap tenang nang pe direhei nasida. Dung hubandingkon ajaran ni Saksi Jahowa tu isi ni Bibel, pos do rohakku on do agama na sittong. Misalna, diulahon nasida do paretta ni Jesus asa marbarita tu sude halak. (Mateus 28:19, 20; Ulaon ni Apostel 15:14) Jala dang olo nasida dohot marpolitik.—Psalmen 146:3, 4; Johannes 15:17, 18.

LABA NA HUDAPOT: Godang do manfaat na hurasahon ala mangihutton aturan ni Debata di ngolukku. Misalna ala dang marganja be au, dang habis be hepengku marratus dolar tiap bulan lao manuhor i. Dang hea be au berhalusinasi jala gabe ussehat ma dagingku dohot pikkiranku.

Saonari nga martujuan be ngolukku. On do sihol ni rohakku mulai sian na poso dope au. Jala na paling penting, nga jonok be saonari hubunganku tu Debata.—Jakobus 4:8.