Pamangkot sang mga Bumalasa . . .
Dapat Ka Bala Magpati sa Trinidad Para Matawag nga Cristiano?
Ang isa ka libro sa hayskul nga World Religions in Denmark, nga ginpagua sang 2007, nagsiling nga ang mga Saksi ni Jehova isa ka gamay nga grupo sang mga Cristiano nga nagasunod gid sa Biblia. Ang matuod, ang mga Saksi ni Jehova amo ang ikatlo sa pinakadaku nga Cristianong relihion sa Denmark.
Pero, ginpakalain sang isa ka obispo sang Danish National Church ang desisyon sang awtor nga ilakip ang mga Saksi sa iya libro. Ngaa? “Wala pa ako sing may nabatian nga teologo nga nagasiling nga [ang mga Saksi ni Jehova] Cristiano,” siling sang obispo. “Wala sila nagapati sa Trinidad, nga amo ang pinakaimportante nga panudlo sang mga Cristiano.”
Ang awtor sadto nga libro kag propesor sa relihion, nga si Annika Hvithamar, nagsiling nga kon pamangkuton ang mga tawo kon ngaa ginakabig nila ang ila kaugalingon nga Cristiano, wala gid sing may nagasabat nga Cristiano sila kay nagapati sila nga ang Dios Trinidad. Dugang pa, ang isa ka bahin sang libro nga “Are You a Christian?” nagsiling: “Para sa mga Cristianong teologo, ang Trinidad isa sa mabudlay gid ipaathag nga doktrina.” Nagsiling pa ini: “Mabudlay gid pirme ipaathag sa mga Cristiano nga wala nakatuon sing teolohiya kon paano ang tatlo ka dios, isa lang ka dios.”
“Para sa mga Cristianong teologo, ang Trinidad isa sa mabudlay gid ipaathag nga doktrina”
Ang ginatudlo sang Biblia parte sa Dios kag kay Jesus maathag kag simple. Indi ini mabudlay intiendihon. Ang tinaga nga “Trinidad” ukon ang ideya sini indi mabasa sa Pulong sang Dios. Ang Biblia maathag nga nagsiling nga si Jesucristo amo ang panganay nga Anak sang Dios. (Colosas 1:15) Ginapakita man sini nga si Jesus “manugpatunga sa Dios kag sa mga tawo.” (1 Timoteo 2:5) Nagsiling man ini parte sa Amay: “Agod mahibaluan sang mga tawo nga ang imo ngalan amo si Jehova, Ikaw lamang ang Labing Mataas sa bug-os nga duta.”—Salmo 83:18, NW.
Nagapati ang mga Saksi ni Jehova nga importante ang pagtuo kay Jesus. (Juan 3:16) Amo nga ginasunod gid nila ang sugo niya: “Nasulat na, ‘Si Jehova nga imo Dios ang dapat mo simbahon, kag sa iya ka lamang dapat maghimo sang sagrado nga pag-alagad.’” (Mateo 4:10) Gani, ang bisan sin-o nga nagatinguha sa pagsunod sa mga sugo ni Jesus matawag nga Cristiano.
Basi Manamian Ka Man
ANG LALANTAWAN
Dapat Bala Saulugon sang mga Cristiano ang Krismas?
Ang mga suod bala kay Jesus nagselebrar sang Krismas?
ANG LALANTAWAN
Ano ang Malain sa mga Kinabatasan sa Krismas?
Kon pagano ang ginhalinan sang mga kinabatasan sa Krismas, dapat bala ini sundon sang mga tawo?
ANG LALANTAWAN
Isa Gid Bala ka Cristiano nga Selebrasyon ang Easter?
Ano ang ginasiling sang mga iskolar sang history parte sa sining kilala nga holiday?
ANG LALANTAWAN
Sin-o ang Nagtuga sa Dios?
Ang pagpati bala nga ang Dios padayon nga nagaluntad indi nagakaigo?
ANG LALANTAWAN
Ngaa Ginatugutan sang Dios nga Piguson sang mga Mabakod ang mga Maluya?
Ginapaathag sang Biblia kon ano ang ginahimo sang Dios sa pagpamigos subong kag ano ang himuon niya sa palaabuton.
