Nibqgħu Approvati Minn Alla Minkejja ċ-Ċirkustanzi
Nibqgħu Approvati Minn Alla Minkejja ċ-Ċirkustanzi
QIEGĦED int tiffaċċja bidliet f’ħajtek? Qed issibha diffiċli biex taċċetta dawn il-bidliet? Ħafna minna konna jew għad inkunu f’din is-sitwazzjoni. Xi eżempji reali mill-passat jistgħu jgħinuna nagħrfu kwalitajiet li jkunu utli.
Pereżempju, ikkunsidra lil David u l-ħafna bidliet li kellu jiffaċċja. Meta ġie midluk minn Samwel bħala Sultan futur, hu kien sempliċi ragħaj ċkejken. Meta kien għadu żgħir, hu offra lilu nnifsu biex jiġġieled lill-ġgant Filisti Gulija. (1 Sam. 17:26-32, 42) Iż-żagħżugħ David ġie mistieden biex jgħix fil-palazz irjali tas-Sultan Sawl u ġie maħtur bħala l-kap tal-armata. David lanqas biss setaʼ jimmaġina dawn il-bidliet kollha f’ħajtu; u lanqas setaʼ jobsor x’kien se jiġri.
Ir-relazzjoni bejn David u Sawl saret estremament diffiċli. (1 Sam. 18:8, 9; 19:9, 10) Biex isalva ħajtu stess, David kellu jgħix bħala maħrub għal bosta snin. Anki meta kien qed jaħkem bħala Sultan taʼ Israel, iċ-ċirkustanzi tiegħu nbidlu drastikament speċjalment wara li għamel adulterju, u biex jaħbi dnubu, ikkommetta qtil. Minħabba dnubietu stess kellu problemi kbar fil-familja tiegħu. Fost affarijiet oħra, David kellu jħabbat wiċċu mar-ribelljoni taʼ ibnu Absalom. (2 Sam. 12:10-12; 15:1-14) Xorta waħda, wara li David nidem mid-dnubiet tal-adulterju u l-qtil, Ġeħova ħafirlu u David reġaʼ kiseb l-approvazzjoni t’Alla.
Iċ-ċirkustanzi tiegħek jistgħu jinbidlu wkoll. Problemi taʼ saħħa, problemi finanzjarji, jew diffikultajiet fil-familja—saħansitra l-azzjonijiet tagħna stess—iġibu bidliet f’ħajjitna. Liema kwalitajiet jistgħu jgħinuna nkunu iktar imħejjijin biex inkampaw ma’ sfidi bħal dawn?
L-Umiltà Tgħinna
L-umiltà tinvolvi attitudni taʼ sottomissjoni min-naħa tagħna. L-umiltà vera tgħinna naraw lilna nfusna kif aħna verament. Tgħinna wkoll naraw lil oħrajn kif tassew huma. Meta nirrikonoxxu l-kwalitajiet u l-preġji taʼ oħrajn, aħna napprezzaw iktar min huma u x’jagħmlu. Bl-istess mod, l-umiltà tistaʼ tgħinna nifhmu r-raġuni għala xi ħaġa tkun ġratilna u kif nirreaġixxu f’sitwazzjoni bħal din.
1 Sam. 15:28; 16:1, 12, 13) L-għażla t’Alla, li David ikun is-sultan taʼ Israel, eskludiet lil Ġonatan. Sa ċertu punt, id-diżubbidjenza taʼ Sawl kellha effett negattiv fuq Ġonatan. Avolja ma kienx responsabbli għal dak li għamel Sawl, Ġonatan xorta ma kellux ikun is-suċċessur taʼ missieru. (1 Sam. 20:30, 31) Ġonatan kif irreaġixxa għal din is-sitwazzjoni? Żamm fil-komma minħabba l-opportunità li tilef? Għer għal David? Le. Minkejja li kien ħafna akbar fl-età u kellu iktar esperjenza, Ġonatan appoġġa lealment lil David. (1 Sam. 23:16-18) L-umiltà għenitu jifhem min kellu l-barka t’Alla u ‘ma ħasibx li hu xi ħaġa iktar milli hu xieraq.’ (Rum. 12:3) Ġonatan fehem dak li Ġeħova stenna minnu u aċċetta d-deċiżjoni Tiegħu fil-kwistjoni.
Ġonatan, bin Sawl, hu eżempju tajjeb. Iċ-ċirkustanzi tiegħu nbidlu minħabba ġrajjiet li ma kellux kontroll fuqhom. Meta Samwel qal lil Sawl li Ġeħova kien se jiħodlu s-saltna, hu ma qallux li Ġonatan kien se jilħaq sultan floku. (M’għandniex xi ngħidu, ħafna bidliet iġibu magħhom xi diffikultajiet. Kien hemm żmien meta Ġonatan kellu jittratta ma’ żewġt irġiel li kienu qrib tiegħu. Wieħed kien David, is-sultan futur, il-ħabib tiegħu li kien magħżul minn Ġeħova. L-ieħor kien missieru Sawl, li kien ġie miċħud minn Ġeħova imma li xorta waħda kien għadu jaħkem bħala sultan. Żgur li din is-sitwazzjoni kkaġunat stress emozzjonali lil Ġonatan filwaqt li pprova jżomm ruħu approvat minn Ġeħova. Il-bidliet li jkollna niffaċċjaw jistgħu jġegħluna nħossuna inkwetati u beżgħanin. Imma jekk nipprovaw nifhmu x’inhi l-ħarsa taʼ Ġeħova, inkunu nistgħu nibqgħu naqduh lealment hekk kif inkampaw mal-bidliet.
L-Importanza tal-Modestja
Il-modestja tinvolvi li tkun konxju tal-limitazzjonijiet tiegħek. M’għandniex inħalltu l-modestja mal-umiltà. Individwu umli jistaʼ ma jkunx konxju bis-sħiħ tal-limitazzjonijiet tiegħu.
David kien modest. Għalkemm Ġeħova għażlu biex ikun sultan, għal snin sħaħ David ma setax jieħu t-tron. Imkien ma naqraw li David irċieva xi spjegazzjoni mingħand Ġeħova taʼ dak li kien jidher bħala dewmien. Iżda għalkemm din is-sitwazzjoni kienet tidher frustranti, ma dejqitux. Hu kien konxju tal-limitazzjonijiet tiegħu u fehem li Ġeħova, li kien qed jippermetti din is-sitwazzjoni, kellu kollox taħt il-kontroll tiegħu. Għalhekk, David ma kienx se joqtol lil Sawl, lanqas biex isalva ħajtu stess, u waqqaf lil sieħbu Abisaj milli jagħmel hekk.—1 Sam. 26:6-9.
Kultant, fil-kongregazzjoni tagħna tistaʼ tiżviluppa xi sitwazzjoni li ma nkunux nistgħu nifhmuha jew tistaʼ tidher, fl-opinjoni tagħna, li mhix qed tiġi trattata bl-aħjar mod jew bl-iktar mod organizzat. Se nirrikonoxxu aħna bil-modestja li Ġesù hu l-Kap tal-kongregazzjoni u li juża lill-ġemgħa tal-anzjani maħturin biex imexxu? Prov. 11:2.
Se nuru l-modestja meta nafu li sabiex ikollna l-approvazzjoni taʼ Ġeħova rridu nistrieħu fuqu biex imexxina permezz taʼ Ġesù Kristu? Se nistennew bil-modestja anki jekk ma jkunx faċli nagħmlu dan?—Ġwejdin u B’hekk Pożittivi
Il-ħlewwa hi temperament ġwejjed. Din tgħinna nissaportu l-ħsara bil-paċenzja u mingħajr ma nħossuna irritati, offiżi, jew li rridu nivvendikaw ruħna. Mhuwiex faċli tkun ġwejjed. Taʼ interess, vers fil-Bibbja jgħid, ‘il-ġwejdin taʼ l-art’ huma mistidnin biex ‘ifittxu li jkunu ġwejdin.’ (Sof. 2:3) Hemm rabta bejn li tkun ġwejjed u li tkun umli u modest. Li tkun ġwejjed jinkludi wkoll kwalitajiet oħrajn bħat-tjubija u l-ħlewwa. Bniedem ġwejjed jaċċetta t-taħriġ u t-tagħlim u b’hekk ikun jistaʼ jagħmel progress spiritwali.
Il-ħlewwa kif tistaʼ tgħinna nkampaw mal-bidliet f’ħajjitna? X’aktarx innotajt li ħafna għandhom tendenza li jħarsu lejn il-bidliet b’mod negattiv. Fir-realtà, dawn jistgħu jkunu opportunitajiet sabiex inkomplu niġu mħarrġin minn Ġeħova. Il-ħajja taʼ Mosè turi dan.
Fl-età taʼ 40 sena, Mosè diġà kellu kwalitajiet eċċellenti. Hu wera li kien sensittiv għall-bżonnijiet tal-poplu t’Alla u wera spirtu taʼ sagrifiċċju persunali. (Ebr. 11:24-26) Madankollu, qabel ma ġie inkarigat minn Ġeħova biex joħroġ lil Israel mill-Eġittu, Mosè kellu jiffaċċja xi bidliet li għamluh iktar ġwejjed. Hu kellu jaħrab mill-Eġittu, jgħix fl-art taʼ Midjan għal 40 sena, u jaħdem bħala ragħaj ’il bogħod mill-prominenza. X’kien ir-riżultat? Din il-bidla għamlitu persuna aħjar. (Num. 12:3) Hu tgħallem iġib l-interessi spiritwali qabel l-interessi tiegħu stess.
Biex nuru kemm Mosè kien ġwejjed, ejja nikkunsidraw x’ġara meta Ġeħova qal li ried jiċħad lill-ġens diżubbidjenti u lid-dixxendenti taʼ Mosè milli jsiru ġens setgħan. (Num. 14:11-20) Mosè tkellem għan-nom tal-ġens. Kliemu wera li kien konċernat dwar ir-reputazzjoni t’Alla u l-benesseri taʼ ħutu, u mhux dwar l-interessi tiegħu stess. L-irwol taʼ Mosè bħala mexxej tal-ġens u medjatur kien jirrikjedi persuna ġwejda. Mirjam u Aron gergru kontrih, iżda r-rakkont tal-Bibbja jgħid li Mosè kien “bil-wisq l-iktar ġwejjed mill-bnedmin kollha.” (Num. 12:1-3, 9-15) Jidher li Mosè kien ġwejjed u ttollera l-insulti tagħhom. X’kien jiġri kieku Mosè ma kienx ġwejjed?
F’okkażjoni oħra, l-ispirtu taʼ Ġeħova niżel fuq xi rġiel u ġegħelhom jipprofetizzaw. Ġożwè, il-qaddej taʼ Mosè, ħass li dawn l-Israelin m’aġixxewx b’mod xieraq. Mill-banda l-oħra, Mosè kien ġwejjed u ħares lejn l-affarijiet kif iħares lejhom Ġeħova u ma Num. 11:26-29) Kieku Mosè ma kienx ġwejjed, kien hu se jaċċetta din il-bidla fl-arranġament taʼ Ġeħova?
qagħadx jinkwieta li jitlef l-awtorità tiegħu. (Sabiex setaʼ juża sew l-awtorità kbira li ngħatatlu u jwettaq l-irwol li tah Alla, Mosè kellu jkun ġwejjed. Ġeħova stiednu biex imur fuq il-Muntanja Ħoreb u joqgħod quddiem il-poplu. Alla tkellem ma’ Mosè permezz taʼ anġlu u ħatru bħala l-medjatur tal-patt. Peress li Mosè kien ġwejjed, setaʼ jaċċetta din il-bidla kbira ferm fl-awtorità u madankollu jibqaʼ jkollu l-approvazzjoni t’Alla.
Xi ngħidu għalina? Hu indispensabbli li nkunu ġwejdin biex nikbru individwalment. Dawk kollha li ġew fdati bi privileġġi u b’awtorità fost il-poplu t’Alla jeħtieġ li jkunu ġwejdin. Jekk inkunu ġwejdin inżommu lura milli nkunu kburin meta niffaċċjaw bidliet, u niġu megħjunin nittrattaw ma’ sitwazzjonijiet b’attitudni tajba. Ir-reazzjoni tagħna hi importanti. Se naċċettawha l-bidla? Se nqisuha bħala opportunità biex nitjiebu? Din tistaʼ tkun opportunità unika biex insiru ġwejdin!
Aħna kontinwament niffaċċjaw bidliet f’ħajjitna. Xi kultant ma jkunx faċli nifhmu għala jiġru ċerti affarijiet. Il-limitazzjonijiet persunali u l-istress emozzjonali jistgħu jagħmluha diffiċli għalina li nkomplu nħarsu lejn l-affarijiet bil-mod kif iħares lejhom Ġeħova. Xorta waħda, kwalitajiet bħal li nkunu umli, modesti, u ġwejdin se jgħinuna naċċettaw il-bidliet u jibqaʼ jkollna l-approvazzjoni t’Alla.
[Kumment f’paġna 4]
L-umiltà vera tgħinna naraw lilna nfusna kif aħna verament
[Kumment f’paġna 5]
Hu indispensabbli li nkunu ġwejdin biex nikbru individwalment
[Stampa f’paġna 5]
Mosè kellu jagħmel xi bidliet biex ikun iktar ġwejjed