?Wehem God?

Septemba 11, 2001: Long 8:46 long moning, wan plen i smasem stori haos blong Wol Tred Senta long Niu Yok. Hemia faswan long ol trabol we ol teroris oli bin plan blong mekem long dei ya. Long 102 minit nomo, samwe long 3,000 man oli ded.

Disemba 26, 2004

Wan etkwek i kamaot long Bigfala Solwota blong India. Paoa blong etkwek ya i kasem 9.0. Ol bigfala taetel wef we oli kamaot afta long etkwek ya oli kasem 11 kantri, wetem Afrika tu we i stap klosap 5,000 kilometa longwe. Long wan dei nomo, 150,000 man oli ded no oli lus, mo bitim wan milian man oli lusum haos blong olgeta.

Ogis 1, 2009: Wan man we i gat 42 yia wetem pikinini boe blong hem we i gat 5 yia, tufala i stap ron long solwota long wan jetski. Taem tufala i stap spid i go, tufala i bangem wan wof we oli wokem long wud. Papa i ded wantaem. Boe blong hem i laef go kasem nekis dei, nao hem tu i ded. Wan famle blong tufala ya i harem nogud tumas, hem i se: “Mifala i stap tingting strong se God i mas mekem wan merikel blong smol boe ya i kamgud bakegen, be nogat.”

?Taem yu ridim stori blong ol teroris, ol disasta, no taem yu kasem wan bigfala trabol long laef blong yu wan, samtaem yu stap tingting sipos God i stap luk ol samting ya we oli hapen no nogat? ?Samtaem yu gat tingting ya se God i lego yumi? Baebol i givim wan ansa we i save mekem yumi harem gud. Bambae yumi luk samting ya biaen.

[Foto Credit Lines pija long pej 3]

© Dieter Telemans/​Panos Pictures

PRAKASH SINGH/​AFP/​Getty Images

© Dieter Telemans/​Panos Pictures