Me oli Bondye?
Me oli Bondye?
En avyon i kraz dan latour nor World Trade Center dan lavil New York, le 11 Septanm 2001, 8:46 bomaten. Sa i konmansman en seri latak ki bann teroris ti’n planifye. Apepre 3,000 dimoun i disparet dan lespas 102 minit apre sa.
Le 26 Desanm 2004
En tranblemandter ki mezir 9.0 magnitid dan Losean Endyen i form bann gro laroul ki touy plizyer dimoun dan 11 pei, enkli Lafrik ki apepre 5,000 km pli lwen. Dan lespas zis en zour, 150,000 dimoun i swa mor oubyen manke e plis ki en milyon i san en landrwa reste.
Le 1 Out 2009: En zonm aze 42-z-an ki pe fer jet-skiing avek son pti garson 5 an i bat dan en lasose. Papa i mor. Son garson i ankor pe respire me i mor son lannmen. Dan sagrinasyon en manm fanmir i dir: “Nou ti pe swete ki en mirak i arive e i sirviv.”
Ler ou lir konsernan bann latak teroris, dezas natirel oubyen ler ou personnelman fer fas avek en trazedi, eski ou demann ou lekor: ‘Eski Bondye i vwar sa ki pe arive? Akozi pa azir? Parey nou pou vwar, Labib i donn nou en larepons rekonfortan.
[Portre lo paz 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures