Abasi Odu M̀mọ̀n̄?

September 11, 2001: Ke ayakde minit 14 ndimia n̄kanika usụkkiet usenubọk, mbon edinam oyomonsia ẹma ẹwat ubomofụm umen owo ẹketọ etịn̄e kiet ke otu tọwa World Trade Center ke New York City—ndien oro ekedi akpa ke otu ediwak edinam oyomonsia oro ẹkediomide. Ke se isụhọrede ikan hour iba ke oro ebede, n̄kpọ nte owo 3,000 ẹma ẹkpan̄a.

December 26, 2004

Ọkpọsọn̄ unyekisọn̄ ke Inyan̄ibom India ama anam akamba mbufụt mmọn̄ aka ọkọnọmọ idụt 11, esịnede Africa—emi oyomde usụn̄ ke n̄kpọ nte kilomita 5,000. Ofụri usen kiet ete ibe, owo 150,000 ẹma ẹkpan̄a m̀mê ẹsop, ndien se ibede owo miliọn kiet ẹma ẹtaba ufọkidụn̄.

August 1, 2009: Eren emi edide isua 42 ye eyeneren esie emi edide isua 5, emi ẹkewatde ata edisọp flaibot ẹkpọrọde ke mmọn̄ ẹma ẹwat ẹketọ itiembehe emi ẹdade eto ẹkọn̄. Ete akakpa do. Eyen ama akpa ke ndan̄nsiere. Iman mmọ oro ekenen̄erede ofụhọ ọkọdọhọ ete: “Nnyịn ikekere ke utịben̄kpọ eyetịbe man eyen oro odu.”

Ke ini okotde mbụk oro aban̄ade edinam oyomonsia m̀mê oto-obot afanikọn̄ m̀mê ke ini n̄kpọ mmọn̄eyet ọwọrọde fi ọkpọkpọ, ndi emesikere m̀mê Abasi okụt se itịbede? Ndi emesikere m̀mê enye ọmọkpọn̄ nnyịn? Nte idikụtde, Bible ọbọrọ mme mbụme emi ke usụn̄ oro ọnọde ndọn̄esịt.

[Mme Ebiet Ẹdade Ndise Ẹto ke page 3]

© Dieter Telemans/Panos Pictures

PRAKASH SINGH/AFP/Getty Images

© Dieter Telemans/Panos Pictures