Guuti naak-una?
Guuti naak-una?
2001-imi septembarip 11-anni timmisartoq ilaasartaat World Trade Centerimi New Yorkimiittumi illorsuaq avannarleq toraarlugu timmivoq nalunaaqutarlu 8.46 tassunga aporluni — peqqarniisaarniat saassussinersuat aallartippoq. Minutsini 102-ni tulliuttuni inuit 3000-t missaat ajunaarput.
2004-mi decembarip 26-anni
Indiap Imarpissuani richterskalamik uuttorlugu 9,0-imik sakkortutigisumik nunap sajunneratigut malerujorujussuit nunanik aqqanilinnik eqquisut — allaat Afrikamut 5000 kilometerisut ungasitsigisumut annguttut — pilersinneqarput. Ullup unnuallu ingerlaneranni inuit 150.000-it toqusimasutut ujaarineqartutulluunniit nalunaarutigineqarput, inuillu 1 millioninit amerlanerusut angerlarsimaffeerupput.
2009-mi aggustip aallaqqaataani angut 42-inik ukiulik erninilu tallimanik ukiulik vandscootererlutik sissiukkiamut aporput. Ataataasoq toquvoq. Ernera aqqunartiterujussuarpoq aqaguanilu toqulluni. Ilaqutaasut aliasuttut ilaat ima oqarpoq: “Neriukkaluaratta aqqunartiternini tupinnartuliakkut anigussagaa.”
Peqqarniisaarniat saassussinerat pinngortitamiluunniit ajunaarnersuit pillugit atuaraangavit namminerluunniit alianartumik nalaataqaraangavit eqqarsaatigisarpiuk Guutip pisut takusarnerai? Eqqarsartarpit taassuma imminiiginnarsimaneraatigut? Soorlu allaaserisami tulliuttumi takussagipput tamatumunnga Biibilimi tuppallersaataasumik akissutissaqarpoq.
[Qupp. 3-mi assiliartaq]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures