Unda Dios Ta?

Djamars 11 di sèptèmber 2001: Tabata 8:46 di mainta ora un avion komersial a dal den un di e edifisionan di World Trade Center na New York. Esaki tabata e promé blanko di atakenan terorista planiá pa e dia ei. Mas o ménos 3.000 hende a pèrdè nan bida den 102 minüt.

Djadumingu 26 di desèmber 2004

Den Oséano Indio tabatin un temblor di un magnitut di 9,0 ku a kousa un tsunami, òf olanan astronómiko, ku a asotá 11 pais, inkluso e kontinente di Afrika ku ta keda mas o ménos 5.000 kilometer mas leu. Riba ún dia so, 150.000 hende sea a muri òf tabata pèrdí, i mas ku un mion hende a keda sin dak riba nan kabes.

Djasabra 1 di ougùstùs 2009: Un hòmber di 42 aña ku su yu hòmber di 5 aña di edat a dal ku seadoo den un waf di palu. E tata a muri e mesun dia ei, pero su yu a muri e siguiente dia. Un subrina di e tata, kende a keda masha tristu, a bisa: ‘Nos tabata spera ku un milager lo a sosodé i ku e yu lo no a muri.’

Ora bo lesa di atake terorista òf desaster natural òf bo haña bo ku un desgrasia, bo sa puntra bo mes si Dios ta mira loke ta pasando? Bo sa puntra bo mes si Dios a bandoná nos? Beibel ta duna kontesta masha alentador riba e preguntanan ei, manera e siguiente artíkulo ta mustra.

[Rekonosementu pa Potrèt na página 3]

© Dieter Telemans/​Panos Pictures

PRAKASH SINGH/​AFP/​Getty Images

© Dieter Telemans/​Panos Pictures