¿Qonqëkamashqantsiktsuraq Dios?
¿Qonqëkamashqantsiktsuraq Dios?
2001 watachö 11 de septiembrem, 8:46 qoya o wärë Nueva York markachö Torres Gemelas nishqampa huknin kaq törrenman huk hatun avión choquëkurqan. Tsënömi terroristakuna wanutsikur qallëkuyarqan, y huk hora y 42 minütosllachömi kima waranqanö nunakunata ushakäratsiyarqan.
26 de diciembre de 2004
Océano Índico nishqanchö terremoto kaptin atska yaku yarqurninmi, chunka huk nacionkunapa lamar kuchunchö markankunata ushakäratsirqan, y 5.000 kilömetroschö këkaq Africapa wakin nacionninkunayaqmi charqan. Tsënöpam huk hunaqllachö 150.000 nunakuna wanuyarqan y huk millonpitapis más wayinnaq quedayarqan.
1 de agosto 2009 watachönam, 42 watayoq nuna y 5 watayoq wambran yakuchö pureq mötonwan ëwëkar, barcoman lloqayänampaq makyaraq tsakawan choquëkuyarqan. Tsë nunaqa hinan höram wanurirqan y wambrannam alläpa accidentakushqa karnin waränin hunaqlla wanurirqan. Tsëmi, “kachakärinampaq huk milagro këkunantam shuyaräyarqä” nirqan huk alläpa llakishqa kastan.
Tsënö alläpa llakinëpaq noticiakunata wiyarnin, rikarnin o kikinkuna tsëkunata pasarninmi wakin nunakunaqa kënö tapukuyan: “¿Mëchöraq wananqantsik höraqa Dios këkan? ¿Manatsuraq kë Patsachö pasanqankunata rikan? ¿O paqwëtsuraq qonqëkamashqantsik?”. Kë tapukïkunata Biblia contestanqantam qateqninchö rikärishun y tsëqa kushiratsimäshunmi.
[3 kaq päginachö pikunapa kanqan]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures