O Fea ea le Atua?

Setema 11, 2001: I le 8:46 i le taeao, na taia ai e se vaalele se tasi o fale o le Nofoaga Autū o Fefaatauaʻiga a le Lalolagi i Niu Ioka, o le amataga lea o se osofaʻiga na fuafua e nisi o tagata faatupu faalavelave. I le isi 102 minute, e tusa ma le 3,000 tagata na fano ai.

Tesema 26, 2004

Na lūlū ai se mafuiʻe i le Vasa Initia, e 9.0 lona malosi i le fua mafuiʻe, ma tutupu ai ni galulolo mataʻutia na aafia ai atunuu e 11, e aofia ai ma Aferika, e 3,000 maila (5,000 km) le mamao. E leʻi atoa se aso a ua 150,000 tagata ua feoti pe leiloloa, ma e silia i le miliona tagata ua leai ni fale.

Aokuso 1, 2009: Na tiʻetiʻe ai i se vaaafi saosaoa se tamā e 42 tausaga ma lona atalii e 5 tausaga, ae taia loa i se uafu laupapa. Na oti le tamā. Na tigāina le atalii ae na oti i le isi aso. Na taʻua e se tauaiga mafatia: “Na matou faamoemoe e tupu se vavega ma ola pea o ia.”

Pe a e faitau i osofaʻiga a tagata faatupu faalavelave, o mala faalenatura pe oo se mala iā te oe, pe e te manatu po o silafia e le Atua le mea ua tupu? Pe e te talitonu ua tuulafoaʻi e ia i tatou? Ua aumaia i le Tusi Paia le tali faamāfanafana loto, lea o le a tatou iloiloina.

[Ē Ana le Ata i le itulau 3]

© Dieter Telemans/Panos Pictures

PRAKASH SINGH/AFP/Getty Images

© Dieter Telemans/Panos Pictures